ការជួយគ្នាក្នុងគ្រាមានអាសន្ន គឺជាទង្វើដ៏ល្អប្រពៃសំរាប់មនុស្សជាតិ។ Nokia បានប្រ-កាន់ខ្ជាប់នូវទង្វើល្អប្រពៃនេះ ដោយក្រុមហ៊ុនបានជួយសង្គ្រោះអ្នកសារព័ត៌មានឥណ្ឌាម្នាក់ដែលកំពុងតែលតោលត្រូវការជំនួយបន្ទាប់ពី Samsung បោះបង់ចោលកណ្តាលទី។
Samsung បានបង្ហាញសេចក្តីថ្លែងការមួយដោយបានបញ្ជាក់ថា ក្រុមហ៊ុនពិតជាមានការសោកស្ដាយ ក្នុងរឿងដែលអ្នកតំណាងរបស់ខ្លួន បានធ្វើទៅលើអ្នកសារព័ត៌មានឥណ្ឌា។ Samsung បាននិយាយថា រឿងដែលអ្នកតំណាងក្រុមហ៊ុនបានធ្វើទៅលើអ្នកយកព័ត៌មានឥណ្ឌានោះ វាជារឿងមួយដែលយល់ច្រឡំ ព្រោះមានអ្នកសារព័ត៌មានដែលមកពីប្រទេសឥណ្ឌាពីររូប។
លោក Clinto Jeff ជាអ្នកយកព័ត៌មានប្រចាំគេហទំព័រ UnleashthePhones បាននិយាយថា Samsung បានអញ្ជើញរូបគាត់ចូលរួមក្នុងព្រឹត្តិការណ៍ IFA ដែលប្រារព្ធនៅថ្ងៃទី5/9/2012 នៅទីក្រុង Berlin ប្រអាឡឺម៉ង់។ ក្នុងនោះខាងក្រុមហ៊ុនសន្យាផ្ដល់ដល់លោកនូវការស្នាក់នៅ, សំបុត្រយន្តហោះធ្វើដំណើរទៅមក។
លោក Clinto Jeff អ្នកសារព័ត៌មានឥណ្ឌា ដែល Nokia បានជួយ
លោក Clinto Jeff បាននិយាយប្រាប់ The Next Web ថា រូបលោកត្រួវបាន Samsung អញ្ជើញឲ្យចូលរួមនៅក្នុងកម្មវិធីរបស់ខ្លួន ក្នុងនាមជាអ្នកសារព័ត៌មាន “Reporter”។ បន្ទាប់មកលោកក៏បានយល់ព្រមតាមការអញ្ជើញរបស់ក្រុមហ៊ុន ក្នុងមានជាអ្នកសារព័ត៌មាន ដោយយល់ថាក្រុមហ៊ុនបានផ្តល់សំបុត្រយន្តហោះទៅមកសៅរាប់ការធ្វើដំណើរ និងការស្នាក់នៅសំរាប់ខ្លួន។
ប៉ុន្តែបែរជាធ្វើឲ្យលោកខកចិត្តយ៉ាងខ្លាំង នៅពេលធ្វើដំណើរមកដល់ទីក្រុងBerlin, អ្នកតំណាងរបស់ Samsung បានប្រាប់លោកថា សំបុត្រហោះហើរ និងការស្នាក់នៅរបស់គាត់ ត្រូវបានលុបចោលវិញ។ លោក Jeft បានបន្ថែមទៀតថាៈ នេះជាបទពិសោធន៍ដ៏អាក្រក់មួយសំរាប់ខ្ញុំ ប៉ុន្តែក្រុមហ៊ុន Samsung បានចេញសេចក្ដីថ្លែងការណ៍ សុំទោសចំពោះខ្ញុំ ដោយបញ្ជាក់ថាវាជារឿងដែលយល់ច្រឡំ។
ការថ្លែងអំណរគុណរបស់ លោក Jeff ដល់ Nokia លើ Twitter របស់គាត់
ប៉ុន្តែជាសំណាងល្អរបស់លោក Jeff នៅពេលដែលកំពុងជួបអាសន្នបន្ទាប់ពីត្រូវបាន Samsung បោះចោលកណ្តាលទីនោះ ក្រុមហ៊ុនទូរស័ព្ទដៃ Nokia បានចេញមុខជួយលោក Jeff ក្នុងនាមមនុស្សធម៌ ដោយបានជួយចេញថ្លៃស្នាក់នៅ ព្រមទាំងទិញសំបុត្រយន្តហោះសំរាប់ធ្វើដំណើរត្រលប់ទៅស្រុកកំណើតវិញផងដែរ៕
ដោយ៖ សិលាប្រភព៖ thenextweb & twitter