រឿងរបស់ស្រ្តីម្នាក់ត្រូវសត្វស្វាហែកមុខ

ស្រ្តីម្នាក់ដែលត្រូវបានសត្វស្វាធំមួយ ហែកមុខយ៉ាងឃោរឃៅ បានឆ្លងកាត់ការផ្លាស់ប្តូរ
យ៉ាងអស្ចារ្យ ក្រោយពីបានធ្វើការវះកាត់​មុខទាំងស្រុង។

រូបលោកស្រីមុនពេលត្រូវស្វាហែក

លោកស្រី Carla Nash អាយុ៥៧ឆ្នាំបានបាត់ភ្នែក ច្រមុះ មាត់ និងបបូរមាត់ក្នុងការវាយ
​ប្រហារ​​ដោយសត្វស្វាសាហាវនោះ។ ប៉ុន្តែក្រោយការវះកាត់បានជាង២០ម៉ោង លោក​ស្រី
ក៏​អាច​និយាយបានវិញធម្មតា។
មុខមាត់ថ្មីរបស់លោកស្រីត្រូវបានផ្សាយនៅលើទូរទស្សន៍កាលពីថ្ងៃទី១០ខែសីហាឆ្នាំ២០១១
ក្រោយពី​វេជ្ជបណ្ឌិតបានធ្វើការវះកាត់ឲ្យគាត់នូវមុខមាត់ថ្មីដែលគេបរិច្ចាកតាំងពីខែឧសភា
កន្លងមក។ គាត់បាន​ឲ្យដឹងថា ឥឡូវខ្ញុំអាចធ្វើអី្វបានទាំងអស់ហើយ។ ខ្ញុំអាចភ្លក់រសជាតិ
បាន។ ខ្ញុំអាចទទួលទានបានធម្មតា។ ខ្ញុំមានបបូរមាត់ និយាយបានដូចមុន។ ខ្ញុំអាចអោប​
ថើបអ្នកដែលខ្ញុំស្រឡាញ់។ ខ្ញុំអរគុណណាស់ចំពោះអ្នកដែលបានបរិច្ចាក និងគ្រួសារ
គាត់។�
ឧបទ្ទវហេតុនេះកើតឡើងនៅពេលលោកស្រីទៅលេងផ្ទះមិត្តភ័ក្តឈ្មោះ Sandra Herold។
សត្វស្វា​របស់មិត្តភ័ក្តគាត់ បានលោតឡើងខ្លួន Carla ហើយហែកមុខនិងដៃ របស់គាត់
ស្ទើរតែ​ទាំងស្រុង​យ៉ាងសាហាវ។ ទីបំផុត សត្វសាហាវឈ្មោះTravis នេះត្រូវប៉ូលិស
Stamford នៅ Connecticut ប្រទេសអាមេរិកបាញ់សម្លាប់។

ក្រុមវេជ្ជបណ្ឌិត៣០នាក់នៅមន្ទីរពេទ្យ Boston បានធ្វើការវះកាត់លោកស្រីCarla Nash។
គាត់ ទទួលបានស្បែក សាច់ដុំ សរសៃឈាម សរសៃវិញ្ញាណ ក្រអូមមាត់ និងធ្មេញពី​អ្នកបរិច្ចាកដែលបានលាក់ឈ្មោះ។
នេះជាលើកទី៣ហើយ ដែលនៅប្រទេសអាមេរិកបានធ្វើការវះកាត់មុខទាំងស្រុង។