ព័ត៌មានអន្តរជាតិ ៖ ទំព័រសារព័ត៌មានពិភពលោក ក៏ដូចជាបុគ្គលិកបំរើការនៅឯមជ្ឈមណ្ឌលជីវចម្រុះសមុទ្រ ពិតជាមានភាពភ្ញាក់ផ្អើលជាខ្លាំង នៅពេលដែបានប្រទះឃើញ កូនដណ្តើកពូជកម្រដ៏តូចបំផុត បានចាប់កំណើតដល់ទៅ ២ ក្បាល នេះបើយោងតាមការដកស្រង់អត្ថបទផ្សាយ ពីទីភ្នាក់ងារសារព័ត៌មានបរទេស ស្កាយ ។
ជាការពិត វត្តមាននៃសមាជិកថ្មី របស់ពូជសត្វអណ្តើក ដ៏កម្រប្រភេទតូចល្អិត ទាំងពីរនេះបានធ្វើអោយចំនួនតួរលេខនៃពូជសត្វកម្រមួយនេះ កើនឡើងដល់២៥០ ក្បាល ហើយនៅជុំវិញពិភពលោក។ យ៉ាងណាមិញ ប្រភពសារព័ត៌មានដដែលបន្ថែមថា បុគ្គលិក ដែលជាអ្នកបំរើការនៅឯមជ្ឈមណ្ឌលជីវចម្រុះសមុទ្រ (Sea Life Centre) ក្នុងក្រុង Birmingham ប្រទេសអង់គ្លេស ពិតជាមានភាពភ្ញាក់ផ្អើលជាខ្លាំង ដោយវេលាព្រឹកមួយ ពួកគេបានឃើញកូនអណ្តើកតូចពីរក្បាលនោះ ហែលទឹកលេង ខណៈពេលដែលមិនបានដឹងថា មេវាពិតជាមានកូនទេនោះ ។ បុគ្គលិកបញ្ជាក់ថា នេះទំនងជាមេវាលាក់ទុកពងកូនទៅក្នុងខ្សាច់ បាតអាងហើយមើលទៅ ។
គួររំឭកផងដែរ មកទល់នឹងខណៈនេះ កូនអណើ្តក ដ៏តូចទាំងពីរក្បាលនេះ ត្រូវបានក្រុមបច្ចេកទេសនាំយកទៅធ្វើការចិញ្ចឹមអោយបានត្រឹមត្រូវហើយ ដោយនៅក្នុងនោះ មានតាំងពីការគាំពារសុខភាព ក៏ដូចជា ការផ្តល់ចំណីអោយបានម៉ត់ចត់ផងដែរ។
យោងតាមសម្តីលោក Burrows គូសបញ្ជាក់អោយដឹងថា ពូជសត្វប្រភេទនេះ ត្រូវបានគេអភិរក្សឡើងវិញ ចាប់តាំងពីឆ្នាំ ២០០១ មកម្ល៉េះ ខណៈពេលដែលវា ត្រូវបានចាត់ចូលជាពូជសត្វដែលប្រឈម នឹងការផុតពូជពីលើលោកយើងនេះ ស្របពេលដែលវាមានដើមកំណើតមកពីកោះតូចមួយរបស់ប្រទេសឥណ្ឌូនេស៊ី កោះ Rote Island ៕
* ព័ត៌មានមួយចំនួនផ្សេងទៀត មាននៅខាងក្រោម ៖
- សរសើរពេញអ៊ិនធើណេត ព្រោះអំពីមនុស្សធម៌ ជួយសង្គ្រោះក្មេង ៣ នាក់ ពីសេចក្តីស្លាប់ (មានវីដេអូ)- កំពូលអ្នកចម្បាំងឆ្លាម នារីម្នាក់ ស្ថិតនៅក្នុងឈុត ប៊ីគីនី ហែលទឹក ជាមួយឆ្លាម- ស៊ីមួយកណ្តាប់ដៃ ពេញផ្ទៃមុខ ក្រោយជិះស្គីក្តារ ទៅបុកក្មេងតូច ដោយអចេតនា
ដោយ ៖ មង្គលប្រភព ៖ ស្កាយ