១០ម៉ោងដោះគ្រាប់បែកដែលព្យួរនៅលើ ក របស់កូនស្រី​សេដ្ឋី

ស្រ្តីជនជាតិអូស្ត្រាលីម្នាក់ អាយុ១៨ឆ្នាំឈ្មោះ Madeleine Pulver ត្រូវទទួលការ ភ័យខ្លាច
យ៉ាងខ្លាំងអំឡុងពេល១០ម៉ោងជាង នៅពេលប៉ូលីសស្វែងរករបៀបដោះគ្រាប់បែក​ដែល​
ត្រូវបានព្យួរនៅលើ ក របស់នាង កាលពីព្រឹកព្រលឹមថ្ងៃទី៤សីហាឆ្នាំ២០១១។

នាង Madeleine Pulver

Madeleine Pulver ជាកូនស្រីរបស់ នាយកប្រតិបត្តិនៃក្រុមហ៊ុនបចេ្ចកទេស Appen
លោក Bill Pulver ។ តាមការរៀបរាប់របស់ Pulver នាងកំពុងនៅក្នុងផ្ទះនៅ Mosman ជាតំបន់ប្រជុំជនអ្នកមានជាងគេនៅ Sydney អូស្រ្តាលី ស្រាប់តែមានជនបិទមុខម្នាក់ ចូលដោយសម្ងាត់ បង្គាប់ ហើយព្យួរនៅលើ ករបស់នាង នូវឧបរណ៍មួយដែលជនល្មើស
ហៅថាគ្រាប់បែក។

អ្នកជំនាញខាងដោះគ្រាប់បែកត្រូវធ្វើការក្នុង១០ម៉ោងជាង

ប៉ូលីសរដ្ឋ New South Wales ត្រូវបានហៅមកផ្ទះលោក Pulver នៅវេលាម៉ោង១៤
ល្ងាច​ថ្ងៃទី៣សីហា(ម៉ោងក្នុងតំបន់)។ ក្រោយពីជាង១០ម៉ោងក្នុងស្ថានភាពតានតឹង ប៉ូលីសទើបនឹងជួយសង្គ្រោះ Pulver បានតាមការណែនាំ �យ៉ាងក្បោះក្បាយ និងលំអិត� ដែលជនល្មើសទុកឲ្យ។ នៅពេលនោះគឺព្រឹកព្រលឹមថ្ងៃទី៤សីហា។


ក្នុងរយៈពេល១០ម៉ោង នាងPulver គ្រាន់តែហ៊ានអង្គុយស្ងៀមឈឹង ពីព្រោះខ្លាចថាជន
ល្មើសនឹងចុច ធ្វើឲ្យគ្រាប់បែកផ្ទុះ។ ក៏ប៉ុន្តែបន្ទាប់មក ប៉ូលីសបានប្រកាសថា ឧបរណ៍
នោះ មិនអាចបន្ទុះបានឡើយ។

អ្នកយកព័ត៌មាន ប្រមូលគ្នានៅក្រៅផ្ទះ រងចាំព័ត៌មាន

ទោះបីជាមិនរងរបួស ប៉ុន្តែនាង Pulver មានការភ័យខ្លាចយ៉ាងខ្លាំង។ ព្រឹកថ្ងៃទី៤សីហានាង
បានចេញ​ពីមន្ទីរពេទ្យ ហើយបច្ចុប្បន្នកំពុងស្នាក់នៅសណ្ឋាគារមួយ រង់ចាំលទ្ធផលពីខាង
ប៉ូលីស​ស៊ើបអង្កេតផ្ទះ ស្វែងរកភស្តុតាង។ ទីប្រឹក្សាប៉ូលីសរដ្ឋ New South Wales លោក
Mark Murdoch បានឲ្យដឹងថា៖ �ជាការពិត នោះគ្រាន់តែជាការលេងសើច បោកប្រាស់
ដ៏ប៉ិប្រសប់។ ប៉ុន្តែទោះបីជាអីចឹងក៏ដោយ យើងខ្ញុំនៅតែធ្វើការស៊ើបអង្កេតដោយ
ប្រុងប្រយ័ត្ន ពីព្រោះការណែនាំដែលជនល្មើសទុកឲ្យនោះ បានបង្ហាញឲ្យឃើញថា គេជាអ្នកចេះយ៉ាងច្បាស់នូវការបង្កើតគ្រាប់បែក។�
មូលហេតុនៃហេតុការនេះមិនទាន់ដឹងឡើយ ប៉ុន្តែប៉ូលីសកំពុងស៊ើបអង្កេត និងធ្វើការ
សន្និដា្ឋនថាអាចជា អ្នកមានគំនុំកំហឹងជាមួយគ្រួសារ Pulver ក្នុងពេលអតីតកាល។