សេដ្ឋីឥណ្ឌាកំពុងប្រឈមមុខ​នឹងការ​បាត់បង់​គេហដ្ឋាន ២៧ជាន់

បុរសដែលមានជាងគេនៅប្រទេសឥណ្ឌានេះ ឈ្មោះ Mukesh Ambani កំពុងត្រូវប្រឈមមុខ
​នឹងករណីបាត់បង់វីឡាគ្រួសារថ្លៃជាងគេលើពីពិភពលោករបស់ខ្លួន ក្រោយពីមានព័ត៌មានថា
ដីដែល​វីឡានេះស្ថិតនៅគឺ ត្រូវបានលក់ខុសច្បាប់។


លោក Ambani ដែលជាអ្នកមានលំដាប់លេខ៩លើពិភពលោកនេះ បានជូនប្រពន្ធនិងកូន
៣នាក់​ទៅរស់នៅវីឡាឈ្មោះ Antilia នេះដែលមាន២៧ជាន់ស្ថិតនៅជិតឆ្នេរសមុទ្រអារ៉ាប់
ទីក្រុង បុំបៃកាលពីឆ្នាំមុន។
វីឡានេះមានតំលៃជាង១.០០០លានដុល្លារ។ មានព្រលានយន្តហោះសំរាប់ឧទ្ធម្ភាគចក្រ
ចុះចតចំនួន៣កន្លែង រោងកុន៥០កៅអីមួយកន្លែង អាងហែលទឹកមួយចំនួន បន្ទប់រាំ
មួយ ហើយមាន៦ជាន់សំរាប់ចតឡានចំនួន១៦០គ្រឿង។ វីឡានេះត្រូវបានកសាងដើម្បី
បញ្ជាក់នូវការចម្រើនរបស់លោក Ambani ដែលពីថ្នាក់ជាកូនប្រុសរបស់ បុគ្គលិកចាក់សាំង
ម្នាក់ បានក្លាយ​ទៅ​ជាបរុសមានអំណាចជាងគេនៅឥណ្ឌា​ដោយទ្រព្យ​សម្បត្តិកើនឡើង
ដល់ ២០.០០០លាន​ដុល្លាអាមេរិក។ក៏ប៉ុន្តែ សេដ្ឋីរូបនេះកំពុងប្រឈមមុខនឹងការបាត់បង់
គេហដ្ឋានរបស់ខ្លូន។

មន្ត្រីមូលដ្ឋានម្នាក់ឈ្មោះ Mohammed Arif Naseem Khan បានឲ្យដឹងថាដីដែលវីឡា
នោះ​ស្ថិតនៅ គឺត្រូវអង្គការករុណាកុមារមួយ លក់ខុសច្បាប់។ លោក Khan បានឲ្យដឹង
ថា​ដីនោះ​គឺជាកម្មសិទ្ធិរបស់ Waqf Board ដែលជាអង្គការគ្រប់គ្រង បេតិកភណ្ឌមូស្លីមនិង
បណ្តាអង្គការ មជ្ឈមណ្ឌលករុណា នៅប្រទេសឥណ្ឌា។ Waqf Board បានផ្ទេរដីនោះឲ្យ
មួលនិធិ Currimbhoy Ebrahim Khoja ដើម្បីធ្វើមជ្ឈមណ្ឌលកុមារកំព្រាមូស្លីម។ ក៏ប៉ុន្តែ
អង្គការមនុស្សធម៌នេះ បានលក់ឲ្យក្រុមហ៊ុនរបស់លោក Ambani កាលពីឆ្នាំ២០០២
ដែលមានតំលៃ ៤,៨លានដុល្លារ។
កិច្ចសន្យាលក់ដូរនេះត្រូវបានអ្នកប្រមុខរបស់អង្គការនោះធ្វើ ដែលមិនមែន Waqf Board។
បន្ទាប់មក Waqf Board បានដាក់ពាក្យបណ្តឹងដើម្បីដណ្តើមដីនោះវិញ។លោក ND Pathan
ដែលជានាយកប្រតិបត្តិការរបស់អង្គការ Waqf Board អះអាងថាកិច្ចលក់ដូរនេះគឺខុស
ច្បាប់ ហើយអង្គការមនុស្សធម៌ និងអ្នកប្រមុខអង្កការមនុស្សធម៌នោះ មិនមានកម្មសិទិ្ធ
លក់ដី។
អ្នកនាំពាក្យរបស់លោក Ambani បានឲ្យដឹងថាការដេញដោលនេះគឺជាជម្លោះរវាង
អង្គការមនុស្សធម៌ និង Waqf Board តែប៉ុណ្ណោះ ដែលមិនទាក់ទងទៅនឹងលោក Ambani
នោះទេ។