តាមប្រភពព័ត៌មានថ្មីបំផុត បានឲ្យដឹងថា iPhone តំលៃទាបរបស់ Apple នឹងនៅតែមានកាមេរ៉ាទំហំ 8 megapixel ដូចទៅនឹង iPhone 5 ជំនួសឲ្យ 5 megapixel ដែលព័ត៌មានចចាមអារាមបានឲ្យដឹងកាលពីមុនៗ។
រូបសណ្ឋាន Hardware របស់ iPhone 5C នឹងមិនចាញ់បណ្តាស្មាតហ្វូនស៊េរីខ្ពស់ៗ សព្វថ្ងៃនេះប៉ុន្មានទេ បើសិនជាព័ត៌មានចចាមអារាមថ្មីបំផុតនេះ ជាការពិត។ ថ្មីៗនេះ គេហទំព័របច្ចេកវិទ្យាចិន IT168 ទើបតែបង្ហោះឲ្យឃើញរូបភាពម៉ូឌុលកាមេរ៉ារបស់ស្មាតហ្វូននេះ។ ក្នុងនោះ វានៅតែបំពាក់នូវកាមេរ៉ា 8 megapixel ដូចនឹង iPhone 5, Sensor របស់ Sony ជំនួសឲ្យ 5 megapixelដូចបណ្តាព័ត៌មានចចាមអារាមពីមុនៗ។
តាមការគណនារបស់ Phone Arena ចំណាយទៅលើការផលិត iPhone 5C គឺប្រហែល ១៨០ ដុល្លារ។ ក្នុងនោះ តំលៃឧបករណ៍គ្រឿងផ្សំរបស់ iPhone 5 (តាមការគណនារបស់ iHS iSuppli) គឺ ២០៧ ដុល្លារ។
នៅពេលបញ្ចេញលក់នៅលើទីផ្សារ iPhone 5C ត្រូវបានឲ្យដឹងថានឹងដាក់លក់ក្នុងចន្លោះតំលៃប្រហែលពី ៣៥០ ទៅ ៤៥០ ដុល្លារ ក្នុងពេលដែលបច្ចុប្បន្ន iPhone 5 មានតំលៃ ៦៥០ ដុល្លារ (តំលៃនៅអាមេរិច) សំរាប់ Unlock Vesion ៕
ដោយ៖ សិលាប្រភព៖ zng