រណ្តៅមាសរបស់នាយកដ្ឋានស្តុកទុកសហររដ្ឋអាមេរិក (FED) នៅទីក្រុង New York ត្រូវ
ចាត់ទុកថា ជាកន្លែងទុកចំនួនមាសច្រើនជាងគេបំផុតនៅលើពិភពលោក។ គេជឿថា
សុរបចំនួនមាសដែលត្រូវជីកឡើងតាំងពីមុនមក ភាគច្រើនត្រូវបានទុកនៅទីនេះ។
ជញ្ជាំងមាសក្នុងរណ្តៅរបស់ FED
ចំនួនមាសដែលត្រូវបានទុកក្នុងរណ្តៅនេះ គឺទ្រព្យសម្បត្តិរបស់រដ្ឋាភិបាល ធនាគារកណ្តាល និងអង្គការអន្តរជាតិចំនួន៣៦ នៅលើពិភពលោក។ មានត្រឹមតែផ្នែកចំនួនតូចមួយ គឺមាស
របស់រដ្ឋាភិបាលអាមេរិក។ សូម្បីតែ FED ក៏គ្មានមាសក្នុងរណ្តៅនេះដែរ គេគ្រាន់តែដើរតួនាទី
ជាអ្នកការពារ និងរក្សាឲ្យប្រទេសផ្សេងៗប៉ុណ្ណោះ។
រណ្តៅត្រូវបានកសាងនៅក្រោមអាគារមួយនៅ Manhattan ទីក្រុង New York
ការធានាសន្តិសុខរបស់រណ្តៅមាសនេះក៏ចម្លែកដែរ។ រណ្តៅមាសនេះត្រូវសាងសង់ឡើង
នៅលើខឿនថ្ម រឹងល្បីរបស់ Manhattan ជាខឿនដីកម្រមាន ដែលអាចទ្រាំបានទម្ងន់សរុប
របស់រណ្តៅទាំងមូល ប្រព័ន្ធទ្វារ និងចំនួនមាសក្នុងរណ្តៅនេះ។ រណ្តៅត្រូវកសាងនៅទៀប
ជាងផ្ទៃដី ២៤,៤ម៉ែត្រ និងក្រោមផ្ទៃទឹកសមុទ្រ ១៥,៤ម៉ែត្រ។
ដើម្បីចុះរណ្តៅនេះ រថយន្តដឹកមាសត្រូវដាក់ក្នុងជណ្តើរយន្ត ចុះ៥ជាន់នៅក្រោមផ្ទៃដី។ ជណ្តើរយន្តត្រូវបានបញ្ជាដោយបុគ្គលិកម្នាក់នៅបន្ទប់ផ្សេង។ អ្នកនេះទាក់ទងជាមួយ
បុគ្គលិកសន្តិសុខប្រដាប់អាវុធអមដំណើររថយន្តដឹកមាស តាមរយៈប្រព័ន្ធទំនាក់ទំនង
ផ្ទៃក្នុង។
នៅពេលមាសត្រូវបានដឹកចូលរណ្តៅហើយ វាត្រូវបានពិនិត្យដោយក្រុមបុគ្គលិកដែលជា
អ្នកតំណាងរបស់ផ្នែកផ្សេងគ្នារបស់ FED៖ សវនករ អ្នកគ្រប់គ្រងឃ្លាំង អ្នកត្រួតពិនិត្យ។ គេត្រូវមានវត្តមានទាំងអស់គ្នារាល់ពេលមាសត្រូវបានជូនមកឬចេញ ឬមានអ្នកចូលឃ្លាំង។
ការគរទុកចំនួនមាសមានតំលៃជិត ១៩៤.០០០លានដុល្លារ ធ្វើឲ្យការរឹតបន្តឹងសន្តិសុខ
នៅទីនេះជាកិច្ចការដែលខានមិនបាន។ បុគ្គលិកទាំងអស់នៅ FED ត្រូវស៊ើបអង្កេតយ៉ាង
ប្រយ័ត្ន។ ក្រុមអ្នកគ្រប់គ្រងឃ្លាំងក៏ត្រូវត្រួតពិនិត្យជាញឹកញាប់ ដើម្បីធានាឲ្យបានថា ដំណើរ
សន្តិសុខត្រូវអនុវត្តតាមលំដាប់។
FED និងរណ្ដៅទុកមាសរបស់គេនេះត្រូវបានការពារដោយក្រុមសន្តិសុខពិសេស។ ២ឆ្នាំម្តង គេត្រូវឆ្លងកាត់ការប្រឡង អំពីសមត្ថភាពប្រើប្រាស់កាំភ្លើងខ្លី កាំភ្លើងវែង និងកាំភ្លើងផ្សេងៗ
ទៀត ។ ទោះបីជាកំរិតតម្រូវការនៃការប្រឡងគឺបាញ់ល្អ ក៏ប៉ុន្តែបុគ្គលិកភាគច្រើននៅនេះ
គឺជាប់ទាំងអស់ ហើយត្រូវបានវាយតំលៃនៅកំរិតអ្នកពូកែបាញ់ខ្លាំងទៀតផង។
សន្តិសុខក៏ត្រូវបានបង្កើនដោយប្រព័ន្ធវិទ្យុ និងកាមេរ៉ាដំណើរវិលជុំវិញ។
រណ្តៅមាសនេះគ្មានទ្វារទេ។ កន្លែងចេញចូលតែមួយគឺ របៀងតូចប្រវែង៣ម៉ែត្រ។ ប៉ុន្តែ
ដំបូងគេត្រូវឆ្លងកាត់ទ្វារថែបមួយជាន់ទៀតទម្ងន់៩០តោន កំពស់២,៧ម៉ែត្រ។ សោរត្រូវ
បានត្រូតពិនិត្យដោយបុគ្គលិកជាច្រើននាក់ ដូច្នេះ ប្រសិនបើមានបុគ្គលិកតែមួយក៏មិន
អាចបើកចូលបានរណ្តៅនោះទេ។
មាសមួយដុំនៅទីនេះមានទម្ងន់ប្រហែល១២គីឡូក្រាម គឺពិបាកក្នុងការយកតាម រឺ
បំលាស់ទី ដូច្នេះ ការត្រួតពីនិត្យបុគ្គលិក និងភ្ញៀវទេសចរនៅពេលចេញពីរណ្តៅគឺ
មិនចាំបាច់ ដោយសារភ្ញៀវមិនអាចលាក់វាក្នុងខោអាវ ស្បែកជើងបានឡើយ។
អ្នកមានមាសទុកនៅទីនេះក៏ជឿជាក់ រហូតដល់ថា្នក់ថា មិនសូវមានអ្នកសើ្នទៅពិនិត្យ
នោះទេ។ ក៏ប៉ុន្តែ ចំណុចនោះក៏មានន័យថា ប្រហែលជាមាសមិនមែនស្ថិតនៅទីនេះ
ទៀត។ ប្រហែលវាត្រូវដឹកទៅកន្លែងផ្សេងដែលមានសុវត្ថិភាពជាង ហើយរណ្តៅនេះ
គ្រាន់តែជាល្បិចបន្លំរបស់ FED។
ប្រភព៖ Cryptome, vnexpress .
ដោយ៖ ណាវី .