ពេលនិយាយដល់ ឧបករណ៍ Mobile អ្នកប្រើប្រាស់តែងតែនិយមដេញស៊េរី ជាមួយនឹងផលិតផលថ្មីៗបំផុត ទំនើបបំផុត។ ប៉ុន្តែជាក់ស្តែង iPhone 2G គឺជាករណីពិសេសមួយ។ ពិតជាមិនគួរឲ្យជឿដែលនៅពេលបច្ចុប្បន្ននេះ iPhone មួយដែលមិនមានសមត្ថភាពភ្ជាប់ 3G (iPhone 2G) បែរក្លាយជាទំនិញដែលកំពុងតែ Hot នៅលើ eBay។
បណ្តាស្មាតហ្វូន iPhone 2G នៅស្ថិតក្នុងប្រអប់ មិនទាន់ប្រើប្រាស់ ដ៏កម្រ កំពុងតែត្រូវបានគេដាក់លក់នៅលើអ៊ីនធឺណេត ក្នុងតំលៃខ្ទង់ពាន់ដុល្លារ។ កាលពីខែមុន មានព័ត៌មានថា iPhone 2G នៅក្នុងប្រអប់ មិនទាន់ប្រើប្រាស់មួយគ្រឿង ត្រូវបានលក់ដាច់ក្នុងតំលៃ ១៩៩៩ ដុល្លារ។ ទន្ទឹមនឹងនោះiPhone 2G មួយគ្រឿងដែលបានបើកប្រអប់ហើយ ប៉ុន្តែនៅថ្មី ត្រូបានលក់ដាច់ដែរ ក្នុងតំលៃប្រហែល៦០០ ដុល្លារ ដែលតំលៃលក់នេះ ជិតស្មើទៅនឹងតំលៃលក់ថ្មីរបស់ iPhone 5S នៅក្នុងពេលបច្ចុប្បន្ននេះទៅហើយ។ គិតមកដល់ពេលនេះ នៅសល់ iPhone 2G ៨គ្រឿងទៀត ដែលកំពុងដាក់លក់ នៅលើគេហទំព័រ eBay។
ស្មាតហ្វូន iPhone ជំនាន់ដំបូងគេ (iPhone 2G) ត្រុវបានបង្ហាញខ្លួនជាផ្លូវការនៅសហរដ្ឋអាមេរិចថ្ងៃទី ២៩ ខែមិថុនា ឆ្នាំ២០០៧។ ម៉ូដែលនេះ ត្រូវបានបំពាក់អេក្រង់ទំហំ 3,5 inch កំរិតពន្លឺ 320 x 480 pixel, 163 ppi, chip ARM របស់ Samsung ល្បឿន 620 MHz, RAM 128 GB និងមានកាមេរ៉ាក្រោយទំហំ 2 megapixel។
យ៉ាងម៉េចប្រិយមិត្ត តើមានចំណាប់អារម្មណ៍ជាមួយ ស្មាតហ្វូន កម្រ ដំបូងគេរបស់ Apple ទេ?
ព័ត៌មានគួរឲ្យចាប់អារម្មណ៍ផ្សេងទៀត៖
- កំពូល SmartWatch មានអេក្រង់ ៦ របស់ Nokia (មានវីដេអូ)- ស្រែកភ័យស្លន់ស្លោ ជាមួយនឹងវីដេអូ សៀករហស្សកម្ម កាត់ខ្លួនជាពីរ តជាមួយជើងអ្នកផ្សេង ហើយនៅអាចដើរបានធម្មតា- Google Nexus 5 និង Android 4.4 Kitkat ត្រូវបានគេរំពឹងថា នឹងអាចបង្ហាញខ្លួន នៅថ្ងៃទី ២៨ខែតុលា ខាងមុខនេះ
ព័ត៌មានស្តីពីបច្ចេកវិទ្យាថ្មីៗ គួរឲ្យចាប់អារម្មណ៍ជាច្រើនទៀត សូមចុចត្រង់នេះ !!!
ប្រែសម្រួល៖ សិលាប្រភព៖ Vreview