ព័ត៌មានអន្តរជាតិ ៖ ក្រុមមនុស្ស ៣ នាក់ បានទទួលរងរបួសធ្ងន់ និង ស្រាល បន្ទាប់ពីយន្តហោះធន់តូច ម៉ាស៊ីនមួយរបស់ពួកគេមួយគ្រឿង បានជួបនឹងឧបទ្ទេវហេតុធ្លាក់ចុះ នៅជាប់នឹងផ្លូវហាយវេមួយកន្លែង ក្នុងស្រុក Prince George County រដ្ឋ Maryland សហរដ្ឋអាមេរិកបានបង្កជាការស្ទះចរាចរណ៍អស់ជាច្រើនម៉ោង នេះបើយោងតាមការដកស្រង់អត្ថបទផ្សាយពីគេហទំព័រសារព័ត៌មានបរទេស MSN ។
ដោយឡែក បើតាមការអះអាងអោយដឹងពីលោក Alicia Francis ជាប្រធានមកពីអង្គភាពសង្គ្រោះបន្ទាន់ ប្រចាំស្រុកមួយនេះ បានគូសបញ្ជាក់អោយដឹងថា យន្តហោះធន់តូចមួយគ្រឿងនេះ បានជួបនឹងឧបទ្ទេវហេតុធ្លាក់ចុះ បន្ទាប់ពីបើកទៅបុកនឹងដើមឈើ ក្រោយពីធ្វើការហោះឡើងចេញពីអាកាសយានដ្ឋានមួយកន្លែង ជិតកន្លែងកើតហេតុ។ករណីគ្រោះថ្នាក់មួយនេះ បានកើតឡើងកាលពីវេលាម៉ោង ៣ និង ៥៥ នាទីរសៀល ម៉ោងក្នុងស្រុក ។
គួររំឭកផងដែរថា មានការស្ទះចរាចរណ៍ជាច្រើនម៉ោង បន្ទាប់ពីមានការបិទផ្លូវទាំងទៅទាំងមក ខណៈពេលដែលក្រុមសមត្តកិច្ច បានចុះធ្វើកិច្ចអន្តរាគមន៍ជួយសង្គ្រោះ ក្រុមមនុស្ស៣ នាក់ ដែលទទួលរងរបួសធ្ងន់នោះ ទៅកាន់មន្ទីរពេទ្យក្នុងស្រុក Baltimore តាមរយៈជើងហោះហើរ របស់ឧទ្ធម្ភាភចក្រ។
លើសពីនេះទៅទៀត ប្រភពសារព័ត៌មានដដែលបន្ថែមថា មិនទាន់មានរបាយការណ៍បញ្ជាក់អោយដឹងថាតើ មនុស្ស ៣ នាក់នោះ ម្នាក់ណាជាអ្នកបើកយន្តហោះនោះទេ ស្របពេលដែលការតាមដានស៊ើបអង្កេត រកមូលហេតុពិតនៃការធ្លាក់លើកនេះ នៅតែបន្តធ្វើនៅឡើយ៕
* ព័ត៌មានមួយចំនួនផ្សេងៗទៀត មាននៅខាងក្រោម ៖
- លេចធ្លាយ ឯកសារ រកឃើញថា ស៊ីរី ស្តុកទុក សារធាតុគីមី ដល់ទៅ ១ ពាន់តោន- ផ្ទុះអាវុធ នៅមូលដ្ឋានទ័ព សហរដ្ឋអាមេរិក ជាង ២ ម៉ោង សម្លាប់មនុស្ស រង្គាល- ផ្ទុះឆេះ វិទ្យាល័យមួយកន្លែង ចាប់ឃាត់ខ្លួនក្មេង ៥ នាក់ ពីបទបង្កហេតុ
ដោយ ៖ រិទ្ធីប្រភព ៖ MSN