នាវាមុជទឹក​របស់ចិន​អាចមុជទឹក​ជំរៅ​ជាង៥.០០០​ម៉ែត្រ​

នាវាមុជទឹករបស់ចិនមួយកាលពីថ្ងៃម្សិលមិញបានធ្វើការមុជចូលក្នុងជំរៅទឹកសមុទ្រ៥០០០
ម៉ែត្រ​នៅប៉ាស៊ីហ្វិក ភាគឦសាន។

តាមការប្រកាសរបស់គណះកម្មការ សាគរសាស្រ្តជាតិប្រទេសចិន (SOA) ដែលផ្សាយនៅ​
លើ​ប្រព័ន្ធព័ត៌មាន Xinhua បានឲ្យដឹងថា ការមុជទឹកសាកល្បងនេះត្រូវបានប្រារព្ធឡើង​
កាលពី​ម៉ោង​៣និង៣៨នាទី​ថ្ងៃ២៥កក្កដាម៉ោងនៅប្រទេសចិន។ នាវាមុជទឹកនេះត្រូវបាន​
ផលិតឡើងសំរាប់ការចុះក្នុងជំរៅទឹកដល់ទៅ ៧.០០០ម៉ែត្រ​និងកាលពីថ្ងៃព្រហស្បត៍
​សប្តាហ៍​មុនវាបាន​ផ្ទុកមនុស្ស៣ នាក់ចុះទៅក្នុងទឹកជំរៅ៤.០២៧ម៉ែត្រ។​ ក្រៅពីនោះSOA
ក៏បានបន្ថែមថា JiaoLong និងបន្តការមុជចូលក្នុងជម្រៅទឹកសមុទ្រដល់ ៧០០០ម៉ែត្រនៅ
ឆ្នាំ ២០១២ខាងមុខនេះ។
បានដឹងថា ការមុជទឹកបានជ្រៅបំផុតពីមុនធ្វើឡើងដោយកងទ័ពជើងទឹកអាមេរិកដែល បានចុះទៅដល់បាតសមុទ្រ Mariana Trench ជាចំណុចជ្រៅបំផុតនៃមហាសមុទ្រ​លើ​
ពិភពលោកគឺ១១.០០០ម៉ែត្រកាលពីឆ្នាំ១៩៦០។

ចិនបានឲ្យដឹងថាការអភិវឌ្ឍន៍បច្ចេកវិទ្យាយានមុជទឹករបស់ខ្លួននោះគឺក្នុង បំណងធ្វើការ​
សិក្សាស្រាវជ្រាវវិទ្យាសាស្ត្រ រុករកនិងប្រើប្រាស់ប្រភពធនធានធម្មជាតិ។ ក៏ប៉ុន្តែការ​ជំរុញរុករកធនធាន ការពង្រីកយ៉ាងឆាប់រហ័សវិស័យយោធា ក៏ដូចជាការប្រកាស​ យ៉ាង
មុតមាំថ្មីៗ​នេះរបស់ចិននៅលើតំបន់សមុទ្រមានជម្លោះ ក៏បង្កើតឡើងការបារម្មណ៍​ជា
ច្រើន​​ពីសហគមន៍អន្តរជាតិ។