ទោសប្រហារជីវិតសំរាប់បុរសចាប់ឃុំឃ្លាំងស្រ្តីក្មេងពីរនាក់ធ្វើជា​ទាសីសិចក្នុង​២ឆ្នាំ

បុរសចិនម្នាក់បានផ្តន្ទាទោសប្រហាជីវិត ដោយបានឃុំឃាំងស្ត្រីពីរនាក់នៅអាគារជាន់
ក្រោមដី​ដើម្បីធ្វើជាទាសីស៊េច និងទោសចាប់រំលោពស្រ្តី៩នាក់ទៀត។
ក្នុងការកាត់ក្តីនៅខេត្តហ៊ូបាក បុរស Zeng Qiangbao អាយុ៤០ឆ្នាំ ជាកម្មកររោងចក្រដែក​
ថែបទីក្រុងវូហាន ត្រូវចោទប្រកាន់ទោសចាប់រំលោភ ទោសឃុំឃាំងមនុស្សខុសច្បាប់
និងទោស​លួចទ្រព្យគេ។ Zeng បានចាប់ បង្ខាំងស្រ្តីពីរនាក់ក្នុងអាគារខាងក្រោមដើម្បីធ្វើ
ជាទាសី។ ដល់ថ្ងៃទី១៤ខែឧសភាឆ្នាំ២០១០ ស្ត្រីពីរនាក់នោះទើបនឹងត្រូវបានប៉ូលិសដោះ
លេង។ កាសែត China Daily បានឲ្យដឹងថា ក្រៅពីស្រ្តីពីរនាក់នោះ ក៏មានស្ត្រី៩នាក់ទៀត​
ក៏ត្រូវបាន ពូ Zeng រំលោភ​កាលពី​ខែកក្កដាឆ្នាំ២០០៧ ដល់ខែឧសភាឆ្នាំ២០១០។

ស្រ្តីម្នាក់ត្រូវ Zeng Qiangbao វាយធ្វើបាប
ស្ថាប័នរដ្ឋអាជ្ញាបានឲ្យដឹងថា Zeng បានឃុំឃាំងស្រ្តីឈ្មោះ Hu​អាយុ១៦ឆ្នាំកាលពីថ្ងៃ​១៦​
កញ្ញា​ឆ្នាំ២០០៨ និងបង្ខាំងក្នុងអាគារសម្ងាត់ជាន់ក្រោមដីដើម្បីរំលោភ។ ថ្ងៃទី២កក្កដាឆ្នាំ
២០០៩ ជនល្មើសចាប់ជំរិតស្រ្តីម្នាក់ទៀតឈ្មោះ Zhou អាយុ១៩ឆ្នាំ។ Zhou ក៏ត្រូវឃុំឃាំង
ក្នុងអាគារក្រោមដី។ ស្ត្រីទាំងពីរត្រូវជនល្មើសវាយ ហើយបង្ខំរួមរ័ក។

កន្លែងស្ត្រីពីរនាក់ត្រូវឃុំឃាំង
តាមព័ត៌មាននៅលើកាសែត Daily Chilliបានឲ្យដឹងថា កាលពីខែឧសភាឆ្នាំមុន បុរសម្នាក់
ឈ្មោះ Du បាន​មកហាងជួសជុលគ្រឿងអេឡិចត្រូនិចរបស់មិត្តភក្តិម្នាក់ ហើយដោយចៃដន្យ
គាត់ឃើញ​ក្រដាស​មួយចំរៀកស្វែងរកជំនួយត្រូវបានស៊កក្នុងទូរទស្សន៍ខុសមួយគ្រឿង។
សំបុត្រនោះសរសេរថា �ជួយ។ ខ្ញុំត្រូវ​ឃុំឃាំងក្នុង​អាគារក្រោមដីជាងមួយឆ្នាំនេះហើយ�។
ជាមួយនឹងសំបុត្រនោះ គឺលេខទូរស័ព្ទ អាស័យដ្ឋានផ្ទះ Shou និង ផែនទីគូរដោយដៃ​ផ្លូវនាំដល់កន្លែងដែលស្ត្រីទាំងពីនោះត្រូវបង្ខាំង។ Du បានហៅទូរស័ព្ទដល់លេខនេះ ហើយ
ប្រាប់ឲ្យឪពុកជនរងគ្រោះបានដឹង។ ឪពុកនោះបានហៅប៉ូលិស ហើយដោះលេងកូនស្រី។