ក្នុងរយៈពេល ៦០វិនាទី អ្នកនឹងបានធ្វើដំណើរត្រឡប់ទៅកាន់យុគសម័យរាប់រយលានឆ្នាំមុន ដើម្បីស្វែងយល់អំពីប្រវត្តិនៃការវិវត្តរបស់មនុស្ស។
Jurien Moller គឺជាអ្នកវិចិត្រករ ជនជាតិហូឡង់ម្នាក់ ដែលមានទឹកចិត្តស្រឡាញ់វិស័យវិទ្យាសាស្ដ្រយ៉ាងខ្លាំងក្លា។ ថ្មីៗនេះ លោកបានបង្កើតសៀវភៅមួយក្បាលរៀបរាប់អំពីការវិវត្តរបស់មនុស្សលោក ក្នុងអំឡុងពេល ៥៥០លានឆ្នាំ។ សៀវភៅនេះមានប្រវែងប្រហែល ៣០ម៉ែត្រ ហើយត្រូវបានថតឡើងវិញជាវីដេអូជីវចលន៍ដ៏អស្ចារ្យមួយ។
ថ្វីបើមានថេរវេលាត្រឹមតែ ១នាទី ប៉ុន្តែ វីដេអីនេះ បានបង្ហាញយ៉ាងច្បាស់អំពីដំណាក់កាលនៃការវិវត្តរបស់មនុស្សលោកក្នុងអតិតកាល ជាមួយនឹងពូជសត្វគ្រប់ប្រភេទដែលជាបុព្វបុរសរបស់មនុស្ស។ រូបភាពរបស់ Jurien Moller បានពន្យល់ប្រាប់ទស្សនិកជនឱ្យយល់អំពីមូលហេតុដែលមនុស្សបច្ចុប្បន្ន អាចវិវត្តពីសត្វជើងបួនដែលអាចរស់នៅក្រោមទឹក។
-កាលពី ៥៥០លានឆ្នាំមុន បុព្វបុរសរបស់មនុស្ស គ្រាន់តែជាសត្វដែលមានសេរីរាង្គមានកោសិកាតែមួយ (Unicellular organism) រស់នៅក្នុងទឹកសមុទ្រ។ ១០០លានឆ្នាំនៃការវិវត្ត សត្វប្រភេទនេះ ក៏មានឆ្អឹង។ល។
-ប្រហែល ៧០លានឆ្នាំក្រោយមកទៀត ត្រីនេះចាប់ផ្ដើមមានអវយវៈផ្សេងៗទៀត ដើម្បីអាចឡើងគោកស្វែងរកចំណី។ មកដល់ដំណាក់កាលនេះ ត្រី បានក្លាយជាសត្វដែលអាចនៅក្រោមទឹកផង និងនៅលើគោកផង។
-១០០លានឆ្នាំតមកទៀត ដោយសារតែបរិស្ថាននៅក្នុងទឹក មិនបានល្អប្រសើរ វាក៏បន្តវិវត្ត ដោយបំបាត់ចោលនូវអវយវៈពិសេសរបស់ត្រី ដើម្បីក្លាយជាកូនសត្វជើងបួនដែលរស់នៅលើគោក និងរស់នៅជាមួយដាយណូស័រ។
-ក្រោយពីជាង ៤០០ឆ្នាំនៃការវិវត្ត (ប្រហែល ១០០លានឆ្នាំមកនេះ) មនុស្សលោក មានរូបរាងដូចទៅនឹងសត្វកណ្ដុរប្រភេទធំ មានកន្ទុយ និងរោមក្រាស។ បុព្វបុរសរបស់មនុស្ស មានរូបរាងបែបនេះ ក្នុងមួយរយៈកាលយ៉ាងយូរ។
-៩០លានឆ្នាំបន្ទាប់មក ទើបបុព្វបុរសរបស់មនុស្សលោក មានរូបរាងដូចសត្វទោច និងចាប់ផ្ដើមចេះឈរត្រង់ខ្នងដោយជើងទាំងពីរ ហើយក៏វិវត្តបន្តិចម្ដងៗ ទៅជាមនុស្សដូចសព្វថ្ងៃ។
ពេលនេះ សូមទស្សនាវីដេអូស្ដីអំពីការវិវត្តនេះ ដូចខាងក្រោម ៖
ប្រែសម្រួលដោយ ៖ តារាប្រភព ៖ businessinsider/youtube