តារាចម្រៀងបុរាណ នាង Sarah Brightman អាចនឹងក្លាយជាភ្ញៀវបន្ទាប់ដែលហោះហើរទៅកាន់លំហអាកាស។
ទំព័រ Space បានអោយដឹងថា តារាចម្រៀងបុរាណ នាង Sarah Brightman ត្រូវចំណាយប្រាក់ជាង ៥១លានដុល្លារអាមេរិក ទៅអោយទីភ្នាក់ងារអវកាសរបស់រុស្ស៊ី ដើម្បីមានកន្លែងអង្គុយមួយនៅក្នុងយានអវកាស ដែលធ្វើដំណើរទៅកាន់ស្ថានិយអវកាសអន្ដរជាតិ (ISS)។
ប៉ុន្ដែ ក្រុមហ៊ុន Space Adventures ដែលជាភ្នាក់ងារផ្ដល់សេវាកម្មទេសរណ៍ឯកជនទៅកាន់អវកាស ដែលមានទីតាំងនៅក្រុង Vienna ប្រទេសអូទ្រីស មិនទាន់ធ្វើការបញ្ជាក់អំពីព័ត៌មាននេះនៅឡើយ។ ទោះជាយ៉ាងនេះក្ដី ប្រភពព័ត៌មានក្នុងស្រុកបានអោយដឹងថា តារាចម្រៀង Sarah Brightman បានថ្លែងជាផ្លូវការនៅក្នុងសន្និសីទកាសែតនៅក្រុង Moscow ប្រទេសរុស្ស៊ីដែលបានធ្វើឡើងនៅប៉ុន្មានម៉ោងមុននេះថា នាងបានចុះឈ្មោះនឹងបង់ប្រាក់រួចទៅហើយ ដើម្បីបានធ្វើដំណើរទេសចរណ៍ទៅកាន់លំហអាកាស។
គួររំលឹកថា ក្រុមហ៊ុន Space Adventures បានរៀបចំភ្ញៀវទេសចរណ៍ចំនួន ៧នាក់នៅលើយានអវកាស Soyuz របស់រុស្ស៊ី ហើយតារាចម្រៀង Brightman នឹងជាភ្ញៀវទី ៨ ក្នុងដំណើរទេសចរណ៍អវកាស មានរយៈពេល ១០ ដែលនឹងត្រូវធ្វើឡើងនៅក្នុងឆ្នាំ ២០១៤ ឬ ២០១៥។Soyuz គឺជាយានអវកាសតែមួយគាត់ដែលមានសេវាកម្មនាំភ្ញៀវទេសចរណ៍ទៅទស្សនានៅលំហអាកាស៕
ដោយ ៖ សូរីយ៉ាប្រភព ៖ Space/VE