ព័ត៌មានអន្តរជាតិ ៖ កោះពីររបស់ប្រទេសញ៉ូវសេឡេន មិនដែលធ្លាប់មានឈ្មោះជាផ្លូវការនោះទេ ដោយសារមានការត្រួតពិនិត្យយូរអង្វែងក្នុងរយៈពេលជាង ២០០ ឆ្នាំចុងក្រោយនេះ បើទោះជាពិភពលោកធ្លាប់បានស្គាល់ថាជាកោះខាងត្បូង និងកោះខាងជើងក៏ដោយ( North and South Islands ) នេះបើតាមការអោយដឹងពីមន្រ្តីផ្លូវការ របស់ប្រទេសនេះកាលពីម្សិលមិញ។
បន្ទាប់ពីមានការពិគ្រោះយោបល់ជាសាធារណៈ ក្រុមប្រឹក្សាភិបាល ភូមិសាស្រ្តប្រទេសញ៉ូវសេឡេន ( the New Zealand Geographic Board) ឥលូវនេះគឺបានដាក់ឈ្មោះប្រជុំកោះទាំងពីរនេះ មួយមានឈ្មោះជាភាសាអង់គ្លេស និងមួយទៀត មានឈ្មោះជាភាសាជនជាតិដើមភាគតិច Maori ។
ឈ្មោះជាភាសាជនជាតិដើមភាគតិច Maori គឺ Te Waipounamu មានន័យថា ទន្លេពោរពេញទៅដោយផ្ទាំងថ្មពណ៌បៃតង ត្រូវបានដាក់ឈ្មោះ អោយកោះខាងត្បូ ង ( for the South Island) និងឈ្មោះ Te Ika-a-Maui សម្រាប់កោះខាងជើង (for the North) ៕
ដោយ ៖ រិទ្ធីប្រភព ៖ អាស៊ីវ័ន