ភ្នំភ្លើងឥណ្ឌូនេស៊ីបានផ្ទុះឡើងកាលពីថ្ងៃព្រហស្បត៍ ដោយព្រួសចេញថ្មតូចៗ កម្អែរ និង
ផេះភ្នំភ្លើងទៅលើអាកាសកម្ពស់រាប់រយម៉ែត្រ។
ភ្នំភ្លើងដែលមានកម្ពស់ 1.580ម៉ែត្រនេះគឺជាភ្នំភ្លើងមួយដែលមានសកម្មភាពខ្លាំងបំផុតក្នុង
ចំណោមភ្នំភ្លើងទាំងឡាយនៅក្នុងប្រទេសឥណ្ឌូនេស៊ី។ ភ្នំភ្លើង Mount Lokon ស្ថិតនៅលើ
កោះ Sulawesiនេះ បានបញ្ចេញសកម្មភាពរបស់វាខ្លាំងឡើងចាប់តាំងពីថ្ងៃទី៩ខែមិថុនាមក
ដោយបានបណ្តាលអោយមនុស្សរាប់រយនាក់ភៀសខ្លួនចេញពីតំបន់នេះ។
ភ្នំភ្លើងនេះបានផ្ទុះឡើងនៅម៉ោងប្រហែល 10និង30នាទីព្រឹក ដោយបានព្រួសបញ្ចេញ
ផេះនិងថ្មតូចៗឡើងទៅលើអាកាសរហូតទៅកម្ពស់ជាង 1.500ម៉ែត្រ។ រដ្ឋាភិបាលបាន
ចេញការព្រមានអោយប្រុងប្រយ័ត្នដល់កំរិតខ្ពស់បំផុត។ ហើយប្រជាជន ប្រហែល
28.000 នាក់ដែលរស់នៅក្នុងចម្ងាយជិត 4គីឡូម៉ែត្រជុំវិញភ្នំភ្លើងនេះត្រូវបានជម្លៀសចេញ។
ប្រភព៖ nld, AFP
ដោយ៖ មិនា