លោកស្រីអនាគតនាយករដ្ឋមន្ត្រីថៃយីងឡាក់ស៊ីណាវ៉ាត់បានថ្លែងនៅ ថ្ងៃពុធនេះឲ្យដឹងថា
ការចោទប្រកាន់ពីបទមានភាពមិនប្រក្រតីកើតមាននៅក្នុងឱកាសឃោសនា បោះឆ្នោត
នៅថ្ងៃទី៣កក្កដាឆ្នាំ២០១១កន្លងទៅ ដែលបានបណ្តាលឲ្យ គណ:កម្មការរៀបចំការបោះ
ឆ្នោតនៃប្រទេសថៃពន្យារការទទួលស្គាល់សុពលភាពនៃបេក្ខជន១៤២នាក់ដែលក្នុងនោះ
មានលោកស្រីយីងឡាក់ស៊ីណាវ៉ាត់ផងថា ពុំមែនជាការអ្វីគួរឲ្យបារម្ភឡើយ។
លោកស្រីបាននិយាយថានៅក្រោមច្បាប់នៅតែមានពេល។ខ្ញុំគិតថាគណៈកម្មាធិការកំពុង
ព្យាយាមបញ្ចប់ការស៊ើបអង្កេតរបស់ខ្លួន។ខ្ញុំសង្ឃឹមនិងមានជំនឿថាគណៈកម្មាធិការនឹង
ប្រព្រឹត្តចំពោះខ្ញុំនិងបក្សភឿថៃដោយត្រឹមត្រូវនិងយុត្តិធម៌។ យីងឡាក់បដិសេធការចោទ
ប្រកាន់ដោយនិយាយថាលោកស្រីគ្រាន់តែទទួលការណែនាំពីបងប្រុស។គាត់គ្រាន់ផ្តល់
គំនិតនិងដំបូន្មានតែមិនពាក់ព័ន្ធក្នុងរដ្ឋបាលនិងការសំរេចរបស់បក្សទេ។
គណៈកម្មាធិការបោះឆ្នោតថៃកាលពីថ្ងៃអង្គារបានផ្អាកការសំរេចចិត្តអំពីថាតើត្រូវអនុម័ត
លោកស្រីយីងឡាក់និងបេក្ខជន១៤១នាក់ទៀតសមាជិកសភាពេញសិទិ្ធដែរឬអត់ក្នុង
នេះក៏មាននាយករដ្ឋមន្ត្រីជិតចេញពីតំណែងអាប់ភិស៊ីត វេចាជីវ៉ាផងដែរដោយសារតែ
មានបណ្តឹងពាក់ព័ន្ធពួកគេ។
ប្រភព៖ nld
ដោយ៖ណាវី