ក្មេងប្រុសដែលមានខ្លួនអាចឆក់លោហៈធាតុបាននេះ គឺជាជនជាតិប្រេស៊ីល ដែលមានឈ្មោះថា Paulo David Amorim មានអាយុ១១ឆ្នាំ។ ក្មេងប្រុសនេះបានទាក់ទាញមនុស្សជាច្រើននាក់ឲ្យចោមរោមមើលរូបគេ ដោយសារតែភាពអស្ចារ្យនៃដងខ្លួនរបស់គេ ដែលអាចឆក់បាននោះ។
ឪពុករបស់ក្មេងប្រុសដែកឆក់រូបនេះ បានចាប់ផ្ដើមធ្វើការសាកល្បងកូនប្រុសរបស់គាត់ បន្ទាប់ពីបានលឺដំណឹងថាមានក្មេងប្រុសជនជាតិក្រូអាត ដែលមានឈ្មោះ Ivan Stoilijkovic ត្រូវបានគេផ្ដល់ងារឲ្យជាមនុស្សដែកឆក់នោះ។ ចំណែកឯក្មេងប្រុស Paulo ក៏បានសម្ដែងការភ្ញាក់ផ្អើលផងដែរ នៅពេលដែលឃើញ ស្លាបព្រា និងកាំបិត អាចជាប់នៅនឹងដងខ្លួនរបស់គាត់បែបនេះ។ សារព័ត៌មាន AP បានរាយការណ៍ថា លទ្ធផលនេះ អាចឲ្យក្មេងប្រុសប្រេស៊ីលរូបនេះ បានទទួលងារដូច Ivan ដែរ គឺមនុស្សដែកឆក់។
វេជ្ជបណ្ឌិតរបស់ Paulo គឺលោក Dix-Sept Rosado Sobrinho បាននិយាយថា នេះជាលើកទីមួយហើយ ក្នុងអាជីពជាគ្រូពេទ្យជាង៣០ឆ្នាំមកនេះ ដែលបានឃើញស្បែកមនុស្ស អាចស្រូបជាប់ទៅនឹងលោហៈដូចមេដែកដូច្នេះសោះ។
ប្រភពៈ 24h
ដោយ៖ មិនា