តាមប្រភពព័ត៌មានរបស់ Guardian បានឲ្យដឹងថា អតីតនាយក ទូរគមនាគមន៍របស់
នាយករដ្ឋមន្ត្រី David Cameron លោក Andy Coulson នឹងត្រូវចាប់ខ្លួនថ្ងៃអាទិត្យនេះ
ទី9កក្កដា ដោយសង្ស័យថាគាត់មានពាក់ព័ន្ធដល់ការលួច ស្តាប់ការនិយាយទូរស័ព្ទ
ក្នុងពេលធ្វើជាបណ្ណាធិការកាសែតនេះ។
ការបិទកាសែតចំណាស់១៦៨ឆ្នាំនេះ ដែលនឹងចេញលេខចុងក្រោយនៅថ្ងៃអាទិត្យ
កើតឡើងបន្ទាប់ពីកាសែតប្រឈមការអះអាងដែលថាបុគ្គលិករបស់ខ្លួនបានលួច
ស្តាប់ការនិយាយទូរស័ព្ទរបស់ក្មេងស្រីដែលត្រូវបានសម្លាប់ គ្រួសារទាហានដែល
ពលី ពួកតារា អ្នកនយោបាយនិងថែមទាំងសមាជិករាជវង្សផង។ កាសែតនេះក៏ត្រូវ
ចោទប្រកាន់ថា បានទិញទឹកចិត្តប៉ូលិសផងដែរ។
លោក James Murdoch ប្រធានក្រុមហ៊ុន News International ដែលជាម្ចាស់របស់
កាសែត News of the World បានឲ្យដឹងថា ថ្ងៃអាទិត្យនឹងជាការចេញលេខចុងក្រោយ
សំរាប់ News of the World។ ហើយលេខចុងក្រោយ នេះការផ្សាយពាណិជ្ជកម្មនឹងមិន
យកលុយទេហើយប្រាក់បានមកពីថ្លៃកាសែត នឹងប្រគល់ទៅខាងមនុស្សធម៌។
អ្នកយកព័ត៌មានជាន់ខ្ពស់របស់កាសែតនេះក៏ត្រូវចាប់ខ្លួនក្នុងប៉ុន្មានថ្ងៃក្រោយនេះ។ ប៉ូលិស
មិនប្រាប់ឲ្យដឹងពីឈ្មោះរបស់អ្នកនេះ ដោយសារវាកំពុងឋិតក្នុងដំណើរការសើបអង្កេត។
ប៉ូលិស Metropolitan បានឲ្យដឹងថា មានមនុស្សជាង 4000នាក់ ត្រូវបានបញ្ជាក់ថាជាជន
រងគ្រោះ ក្នុងការលួបស្តាប់តាមទូរស័ព្ទនេះ។
ប្រភព៖ Guardian
ដោយ៖ ណាវី .