ព័ត៌មានអន្តរជាតិ ៖ យោងតាមការដកស្រង់អត្ថបទផ្សាយពីគេហទំព័រសារព័ត៌មានបរទេសម៉េត្រូ ចេញផ្សាយអោយដឹងថា នៅឯប្រទេសអាហ្រ្វិកខាងត្បូងឯណោះវិញ ពោលគឺ នៅឯព្រៃទឹកភ្លៀងប្រទេសនេះតែម្តង កំពូលបេក្ខភាពសត្វល្អិតចម្លែក ត្រូវបានក្រុមអ្នកវិទ្យាសាស្រ្តរកឃើញ។
បន្ថែមពីលើនេះ ប្រភពសារព័ត៌មានដដែលបន្ថែមអោយដឹងថា កំពូលបេក្ខភាពសត្វល្អិតចម្លែកមួយនេះ ត្រូវបានគេប្រៀបប្រដូច និងស្រដៀងទៅនឹងកូនតុក្តតា Troll doll ។ យ៉ាងណាមិញ បើតាមការអោយដឹងពីអ្នកវិទ្យាសាស្រ្ត អះអាងអោយដឹងថា បេក្ខភាពសត្វល្អិតដ៏ចម្លែមួយនេះ មានប្រវែង ៧ ម.ម ស្របពេលដែលវាមានសក់ ប្រៀបបានទៅនឹងប្រម៉ោយលយចេញមកក្រៅ នៅឯផ្នែកខាងក្រោយ អមទៅដោយចំនុចពណ៌លឿង ដែលគេអាចមើលឃើញនៅលើដងខ្លួនរបស់វា ។ គួររំឭកផងដែរ ករណីរកឃើញលើកនេះ គឺជាសមិទ្ធផលស្នាដៃអ្នកវិទ្យាសាស្រ្ត មកពីសហរដ្ឋអាមេរិក រកឃើញនៅឯព្រៃទឹកភ្លៀង ក្នុងប្រទេសអាហ្វ្រិកខាងត្បូង។
ដោយឡែក បើតាមការអោយដឹងពីលោកវេជ្ជបណ្ឌិត Dr Trond Larse n មកពីសកលវិទ្យាល័យ Princeton University អោយដឹងថា លោកបានចំណាយពេលអស់ជាច្រើនម៉ោង ដើម្បីគូសចេញគំនូសតាង ក្នុងការប្រៀបប្រដូច បេក្ខភាពសត្វល្អិតកំពូលចម្លែកមួយនេះ ប្រៀបទៅនឹងសត្វល្អិតដទៗទៀត៕
ប្រែសម្រួល ៖ កុសលប្រភព ៖ ម៉េត្រូ