ទារិកាអាយុពីរសប្ដាហ៍គួរឱ្យស្រឡាញ់ ត្រូវបានគេប្រទះឃើញលើគំនរសំរាម នៅប្រទេសថៃ

នគរបាលថៃ កំពុងតាមស្វែងរកម្ដាយរបស់ទារិកាដែលមានអាយុទើបតែពីរសប្ដាហ៍ ត្រូវបានគេឃើញក្នុងធុងសំរាមនៅតំបន់លំហែកាយមួយ។ ទារិកាម្នាក់ត្រូវបានរុំនឹងកន្សែងស និងដាក់នៅលើគំនរសំរាម ត្រូវបានបុរសអ្នករើសអេតចាយម្នាក់ប្រទះឃើញ នៅតំបន់លំហែកាយ Patong លើកោះ Phuket។ Telegraph ដកស្រង់សំដីរបស់បុគ្គលិកសង្គ្រោះបន្ទាន់ Yotwaris Rittisirikul ឱ្យដឹងថា “ទារិកានេះពិតជាគួរឱ្យស្រឡាញ់ នាងមិនយំ គ្រាន់តែសើចដាក់ខ្ញុំ។ នាងត្រូវបានរុំក្នុងកន្សែងពណ៌ស ហើយមើលទៅមានសុខភាពល្អណាស់”។Yotwaris ក៏បានឱ្យដឹងថា ទងផ្ចិតរបស់នាង ត្រូវបានគេកាត់រួចហើយ។ ទារិកានេះ មានទម្ងន់ ៣គីឡូក្រាម ហើយត្រូវបានក្រុមគ្រូពេទ្យអះអាងថា មានសុខភាពល្អ។នគរបាលសង្ឃឹមថា នឹងរកឃើញម្ដាយរបស់ទារិកានេះ ហើយបានថ្លែងថា ស្ដ្រីជាម្ដាយប្រហែលជាជួបនឹងវិបត្តិហិរញ្ញវត្ថុ ទើបបានជាបង្ខំចិត្តបោះបង់កូនចោលបែបនេះ។បុគ្គលិកសង្គ្រោះបន្ទាន់ម្នាក់ទៀត ប្រាប់ថា “នគរបាលកំពុងស្វែងរកពុកម្ដាយរបស់ទារិកាដើម្បីសួរនាំពីបញ្ហានេះ”។ប្រែសម្រួល ៖ បុត្រាប្រភព ៖ Telegraph