(អ៊ីស្លាម៉ាបាដ)៖ វាជារឿងដ៏មហាសំណាងមួយ ដែលគ្រោះរញ្ជួយដីកម្រិតរហូតទៅដល់ ៦,៦ នៃរង្វាស់រ៉ិចទ័រនេះ បានវាយប្រហារនៅតំបន់ដាច់ស្រយាលមួយក្នុងប្រទេសប៉ាគីស្ថាន តែក៏ជារឿង អកុសល្យផងដែរ ដែលវាបានបណ្តាលឲ្យមនុស្សម្នាក់ស្លាប់ និង១៣នាក់ផ្សេងទៀតរងរបួស។ នេះបើតាមការចេញផ្សាយពី Channel News Asia នៅព្រឹកថ្ងៃចន្ទ ទី១១ ខែមេសា ឆ្នាំ២០១៦។
គ្រោះរញ្ជួយដីខាងលើនេះ បានវាយប្រហារខ្លាំងនៅតំបន់ភ្នំរបស់ប្រទេសអាហ្វហ្គានីស្ថាន ជាប់ព្រំដែន ជាមួយប្រទេសប៉ាគីស្ថាន ហើយវាក៏បានបង្កការញ័ររញ្ជួយដល់ប្រទេសចំនួនពីរផ្សេងទៀតគឺ តាជីគីស្ថាន និង ឥណ្ឌា នេះបើតាមការព្យាករណ៍ របស់ភ្នាក់ងារភូមិសាស្ត្រអាមេរិក។
ប្រជាជនប៉ាគីស្ថាន នៅតំបន់ភាគខាងត្បូងរដ្ឋធានីអ៊ីស្លាម៉ាបាដ បានដឹងពីការញ័ររញ្ជួយនេះខ្លាំងជាងគេ ហើយអគារស្នាក់ និងអាគារពាណិជ្ជកម្មនានានៅតំបន់នោះ ក៏បានទទួលរងការបំផ្លិចបំផ្លាញគួរឲ្យកត់សម្គាល់ផងដែរ។ ដោយឡែកនៅប្រទេសតាជីគីស្ថាន និងឥណ្ឌា ក៏បានទទួលរងការញ័ររញ្ជួយដែរ ប៉ុន្តែមិន បានបង្កឲ្យមានមនុស្សស្លាប់ និងរបួសនោះទេ៕
ប្រភព ៖ CNA
ផ្តល់សិទ្ធដោយ ៖ ហ្វ្រេសញូវអាស៊ី