លទ្ធផលខាងលើនេះ ត្រូវបាន The Economist បញ្ចេញឱ្យដឹង បន្ទាប់ពីបានធ្វើការប្រៀបធៀប អំពីរយៈពេលដែលគ្រួសារនានា អាចសន្សំប្រាក់បានជាងមួយលានដុល្លារ ដោយយោងទៅលើ ប្រាក់ចំណូលមធ្យម នាពេលបច្ចុប្បន្ន។យោងតាមវិធីគិតរបស់ The Economist បានរកឃើញថា បណ្ដាគ្រួសារនៅ អាមេរិក និង នរវែស ជាមធ្យម ពួកគេត្រូវចំណាយពេល ប្រហែលជា ២០ឆ្នាំ ដើម្បីមានទ្រព្យលើសពី មួយលានដុល្លារអាមេរិក ដែលជារយៈពេលខ្លីបំផុត ក្នុងចំណោមគ្រួសារទាំងឡាយក្នុងពិភពលោក។ ជាក់ស្ដែង បច្ចុប្បន្ន នៅអាមេរិក មានប្រហែល ៥លានគ្រួសារ ស្មើនឹង ៤% នៃប្រជាជនសរុប កំពុងស្ថិតក្នុងចំណាត់ថ្នាក់សេដ្ឋី។នៅក្នុងបញ្ជីចំណាត់ថ្នាក់នេះដែរ ប្រទេសជប៉ុន ស្ថិតក្នុងលំដាប់ទី ៧ ចំណែកកូរ៉េខាងត្បូង ជាប់ចំណាត់ថ្នាក់ លេខ ១៤។
តារាងបង្ហាញអំពីរយៈពេល ដែលប្រជាជននៃប្រទេសចំនួន ២០ ត្រូវចំណាយ ដើម្បីក្លាយជាសេដ្ឋី
The Economist ក៏បានរកឃើញថា អ្នកជិតខាងរបស់អាមេរិក គឺប្រទេសម៉ិចស៊ិច ជាមធ្យម គ្រួសារមួយ ត្រូវចំណាយពេល ៣សតវត្ស ដើម្បីអាចរកប្រាក់បាន ១លានដុល្លារអាមេរិក។ ចំណែកនៅឯប្រទេស រ៉ូម៉ានី វិញ គឺត្រូវចំណាយពេលយូរជាងនេះទៅទៀត (ជាង ៣៥០ឆ្នាំ)។សម្រាប់អ្នកដែលមិនទាន់យល់ ឬមិនអាចស្មានបាន អំពីរូបភាពនៃប្រាក់ ១លានដុល្លារ គេហទំព័រ The Economist បានអធិប្បាយថា ប្រសិនវាមានសុទ្ធតែក្រដាស ១០០ដុល្លារ នោះ ១លានដុល្លារ នឹងជាគំនរប្រាក់ដែលមានកំពស់ ១ម៉ែត្រ និងទម្ងន់ ១០គីឡូក្រាម៕
អត្ថបទសំខាន់ៗ ៖
ជនភៀសខ្លួនក្រីក្រ ក្លាយជាមហាសេដ្ឋី ក្រោយ Facebook ទិញ WhatsApp
ខ្លោចចិត្ត! បងប្អូនកូរ៉េ មួយជីវិត បានជួបគ្នាតែម្ដង
រកបានវាល់លានដុល្លារ ដោយសារដប ក្រឡុកសា្រ
ប្រែសម្រួលដោយ ៖ តារាប្រភព ៖ VE/Economist