បញ្ជូនជន សង្ស័យម្នាក់ ទៅតុលាការ ខេត្តពីបទរំលោភ នារីមិនគ្រប់សតិ បានសម្រេច ៤ដង

មន្រ្តីនគរបាល ការិយាល័យព្រហ្មទណ្ឌ កម្រិតធ្ងន់ ខេត្តបានឲ្យដឹងថា តាមរបាយការណ៍ របស់អធិការនគរបាលស្រុកសង្កែបានឲ្យដឹងថា ជនសង្ស័យ ដែលត្រូវសមត្ថកិច្ច ឃាត់ខ្លួនមានឈ្មោះ សួន តក់ ភេទប្រុសអាយុ២៤ឆ្នាំជាកម្មករតម្លើងរថភ្លើងក្មេងជិះលេងកម្សាន្ត ពេលមានបុណ្យទានម្តងៗ និងមានទីលំនៅភូមិអូញ ឃុំបឹងព្រីង ស្រុកថ្មគោល។ ចំណែកនារី រងគ្រោះមាន អាយុ២៣ឆ្នាំ មានសតិមិនគ្រប់ (សតិវិបល្លាស) មានទីលំនៅក្រុមទី២ ភូមិដំណាក់ដង្កោ ឃុំរាំងកេសីស្រុកសង្កែ ។

តាមពាក្យបណ្តឹង របស់ឪពុកនារីរងគ្រោះឈ្មោះ ហេង ចំរើន អាយុ៤៩ឆ្នាំ បានរៀបរាប់ប្រាប់សមត្ថកិច្ចថានៅយប់ថ្ងៃទី៥ ខែឧសភា កូនស្រីរបស់គាត់ បានទៅលេងបុណ្យ បញ្ចុះខណ្ឌសីមាក្នុងវត្តរាំងកេសី  លុះដល់ពេលយប់នាងបានចូលជ្រកភ្លៀងក្នុងសាលាឆាន់ រហូតដល់ពាក់កណ្តាលអាធ្រាត្រមនុស្សចេញអស់នៅសល់តែនាងម្នាក់ឯង ពេលនោះជនសង្ស័យ បានដើរចូលមកក្នុងសាលា ឆាន់ក៏ប្រទះឃើញ នាងស្ងាត់ម្នាក់ឯង ក៏មានឱកាស ក៏បានលួងលោមនាងផង និងគម្រាមផងចាប់រំលោភនាង ក្នុងយប់នោះរហូតបានសម្រេច៤ដង។ លុះដល់ជិតភ្លឺ ឈានចូលថ្ងៃទី៦ ខែឧសភា ទើបនាងត្រឡប់ទៅផ្ទះវិញ រួចឪពុកបានសួរនាំ នាងបានឆ្លើយប្រាប់ឪពុកថាមានគេចាប់រំលោភនាងទើបមិនបានមកផ្ទះ។ដល់ពេលព្រឹកឡើង ទើបឪពុកបានទៅដាក់ពាក្យ បណ្តឹងនៅប៉ុស្តិ៍នគរបាល ឃុំរាំងកេសីឲ្យជួយអន្តរាគមន៍។ ក្រោយពីបាន ទទួលពាក្យ បណ្តឹង ហើយសមត្ថកិច្ច បានចុះឃាត់ខ្លួនជន សង្ស័យនាំយក មកអធិការស្រុកសួរនាំរួចកសាង សំណុំរឿងបញ្ជូនខ្លួន ទៅស្នងការ ខេត្តនៅរសៀលថ្ងៃទី៧ ខែឧសភា តែម្តង។ ជនសង្ស័យបានឆ្លើយសារភាពថា  ខ្លួនពិតជាបានចាប់រំលោភនាង រងគ្រោះរហូត បាន សម្រេចចំនួន៤ដង ពិតប្រាកដមែន។

ក្រោយពីកម្លាំង អធិការស្រុកសង្កែ បានបញ្ជូនជនសង្ស័យ មកស្នងការខេត្តហើយ កម្លាំងជំនាញស្នងការខេត្តបានបញ្ជូនបន្តទៅតុលាការខេត្ត នៅព្រឹកថ្ងៃទី៨ ខែមេសានេះ ដើម្បីចាត់ការបន្តតាមច្បាប់៕

ផ្តល់សិទ្ធិដោយ៖ ដើមអំពិល