Microsoft បានចំណាយប្រាក់ ៧,២ពាន់លានដុល្លារអាមេរិក ដើម្បីទិញផ្នែកឧបករណ៍ចល័តរបស់Nokia កាលពីឆ្នាំ ២០១៤ ប៉ុន្តែ មកដល់ពេលនេះ Microsoft នៅតែមិនទាន់ទទួលបានជោគជ័យអ្វីមួយនៅឡើយ ទាក់ទឹននឹងឧបករណ៍ថ្មី។
Microsoft បានចំណាយប្រាក់ ៧,២ពាន់លានដុល្លារអាមេរិក ដើម្បីទិញផ្នែកឧបករណ៍ចល័តរបស់ Nokia កាលពីឆ្នាំ ២០១៤
Microsoft បានទទួលស្គាល់ថា នឹងបិទទ្វារផ្នែកទូរស័ព្ទចល័តនៅហ្វាំងឡង់ ហើយបុគ្គលិក ១៣៥០នាក់នៅប្រទេសនេះ នឹងបាត់បង់ការងារ។ ការកាត់បន្ថយបុគ្គលិកខាងលើនេះ ត្រូវបានប្រកាសឱ្យដឹង កាលពីខែឧសភា ក្នុងគម្រោងកាត់បន្ថយបុគ្គលិក ប្រមាណ ១៨៥០នាក់ ក្នុងវិស័យស្មាតហ្វូនរបស់ Microsoft។
គិតមកដល់ខែឧសភា ទូរស័ព្ទដែលដំណើរការដោយ Windows Phone មិនទាន់បាន ១% ផងក្នុងចំណោមស្មាតហ្វូនដែលបានលក់ចេញទូទាំងពិភពលោក។
“ពួកគេចំណាយប្រាក់ច្រើន ព្រោះយល់ថា ទីផ្សារស្មាតហ្វូនពិតជាសំខាន់។ នេះគឺជាការយល់ឃើញត្រឹមត្រូវ ប៉ុន្តែ វាហួសពេលទៅហើយ។ បណ្ណាស្មាតហ្វូនដែលដំណើរការដោយ iOS និងAndroid បានគ្រប់គ្រងទីផ្សារពិភពលោក ហើយ Windows មិនមានសមត្ថភាពប្រកួតប្រជែងនោះទេ” នេះបើតាមសំដីរបស់ Eddie Murphy អ្នកវិភាគម្នាក់ នៅក្រុមហ៊ុន Priory Consulting។
Windows Phone បានបរាជ័យ ក្នុងការចាប់យកទីផ្សារស្មាតហ្វូន
មួយក្នុងចំណោមបញ្ហាដែល Microsoft ត្រូវប្រឈមមុខ នោះគឺ “គម្លាតនៃបណ្ដា App”។ ដោយសារថា ចំនួន App បង្ហាញខ្លួននៅលើស្មាតហ្វូន Windows Phone មានតិចតួច។ នេះក៏ជាមូលហេតុដែលបានបំផ្លាញប្រព័ន្ធប្រតិបត្តិ BB10 របស់ Blackberry ផងដែរ។
លោក Eddie Murphy ថ្លែងថា ៖ “នេះជាបញ្ហាធំ។ ខ្ញុំពិតជាសោកស្ដាយ ព្រោះខ្ញុំក៏ប្រើ WindowsPhone ហើយខ្ញុំឃើញថា App នៅលើ Windows Phone មានតិចតួចបំផុត បើធៀបនឹង Android។វាគឺជាប្រការដែលមិនអំណោយផលសម្រាប់ Microsoft”។
ប្រែសម្រួល ៖ បុត្រា