ព័ត៌មានអន្តរជាតិ ៖ បុគ្គលិកសណ្ឋាគារម្នាក់ ពិតជាមានភ្ញាក់ផ្អើលជាខ្លាំង ខណៈពេលដែលបានប្រទះឃើញកូនពស់ថ្លាន់រស់ ដល់ទៅ ៤០ ក្បាល នៅក្នុងបន្ទប់សណ្ឋាគារ នេះបើយោងតាមការដកស្រង់អត្ថបទផ្សាយ ពីគេហទំព័រសារព័ត៌មានប្លែកបរទេស ដឹមីរ័រ ដែលទើបតែបានចេញផ្សាយ កាលពីពេលកន្លងទៅនេះ ។
លើសពីនេះ ប្រភពសារព័ត៌មានដដែលបន្ថែមថា កូនពស់ថ្លាន់ ទាំងអស់នោះមានប្រវែងចន្លោះពី ១ ម៉ែត្រ ទៅ ១ ម៉ែត្រកន្លះ ហើយវាក៏ត្រូវបានគេជួយសង្គ្រោះចេញពីថង់បា្លស្ទិចក្នុងធុងសំរាមផងដែរ។ យ៉ាងណាមិញ បើយោងតាមសម្តីអ្នកចាត់ការទូទៅតំណាងអោយសណ្ឋាគារ Canadian hotel អោយដឹងថា ពស់ថ្លាន់ទាំងអស់នេះ គឺជាកម្មសិទ្ធរបស់គូស្វាមីមួយគូ ដែលបានចូលសម្រាកបន្ទប់មួយនេះ កាលពីយប់កន្លងទៅ។
លុះល្ងាចថ្ងៃបន្ទាប់ គូស្នេហ៍មួយគូនេះ ក៏បាន Check Out ដោយបានបន្សល់ទុកពស់ទាំងនេះ នៅទីនេះតែម្តង។ គួររំឭកផងដែរថា ភ្លាមៗនោះ ក៏មានការអន្តរាគមន៍ពីសំណាក់មន្រ្តីជំនាញមកពីប្រទេសក្រិកផងដែរ ដោយបានចុះចាប់ និងយកពួកវាទៅរក្សាទុកនៅឯមជ្ឈមណ្ឌលជម្រកសត្វ៕
* ព័ត៌មានមួយចំនួនផ្សេងទៀត ដែលមិត្តអ្នកអាន អាចនឹងមានចំណូលចិត្ត មាននៅខាងក្រោម ៖
- ផ្អើលពេញមួយទីក្រុង ខណៈបាត់សត្វចិញ្ចឹម បង្គួយទម្ងន់ធ្ងន់ មានប្រវែងជិត ២ ម៉ែត្រ- កំពប់ទឹកឃ្មុំ ២ ពាន់លីត្រ ស្អិតពេញផ្លូវ ខណៈរថយន្តដឹកទំនិញ ជួបនឹងឧបទ្ទេវហេតុ- ផ្អើលពេញពិភពអ៊ិនធើណេត ក៏ព្រោះរឿងស្នេហ៍ស្មោះ បុរសពិការកាយ នារីមិនពិការចិត្ត
ដោយ ៖ ពិសីប្រភព ៖ ដឹមីរ័រ