(ភ្នំពេញ)៖ នៅរសៀលថ្ងៃទី១៧ ខែសីហា ឆ្នាំ២០១៦នេះ អង្គភាពប្រឆាំងអំពើពុករលួយ (ACU) និងក្រសួងអប់រំ យុវជន និងកីឡា បាននិងកំពុងប្រារព្ធពិធីជួបជុំអ្នកសង្កេតការស្ម័គ្រចិត្ត ៦ពាន់នាក់ ដើម្បីណែនាំពីបទបញ្ញតិ្តមួយចំនួនពីបញ្ជាផ្ទៃក្នុង នៅពេលចុះសង្កេតការប្រឡងបាក់ឌុប។
ពិធីនេះត្រូវធ្វើឡើងក្រោមវត្តមាន លោកទេសរដ្ឋមន្ដ្រី ឱម យ៉ិនទៀង ប្រធានអង្គភាពប្រឆាំងអំពើពុករលួយ លោក ហង់ ជួនណារុង រដ្ឋមន្ដ្រីក្រសួងអប់រំ, លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងមន្រ្ដីពាក់ព័ន្ធទាំងអស់ ប្រមាណ ៦០០០នាក់ នៅសាលសម្ដេចតេជោ នាវិទ្យាស្ថានបច្ចេកទេសកម្ពុជា (តិចណូ)។
សូមបញ្ជាក់ថា ការប្រឡងបាក់ឌុបឆ្នាំនេះ នឹងធ្វើឡើងនៅថ្ងៃទី២២ ខែសីហា ឆ្នាំ២០១៦ ខាងមុខនេះ ដោយមានការរឹតបន្តឹងដូចឆ្នាំមុនៗដែរ៕
ផ្តល់សិទ្ធិដោយ ៖ ហ្រ្វេសញ៉ូវអាសុី