ទៅ​លេង​កូរ៉េ​ខាង​ត្បូង កុំភ្លេច​ទៅជួប​មនុស្ស​យន្ត​គួរ​ឲ្យ​ស្រលាញ់ទាំង​នេះ

នៅពេលដែលអ្នកទៅដល់ព្រលានយន្តហោះ INCHEON អ្នកប្រាកដជាឃើញមនុស្សយន្តកម្ពស់ប្រមាណ ១៤០ស.ម កំពុងតែផ្តល់ព័ត៌ផ្សេងៗ ទៅកាន់ភ្ញៀវទេសចរ និងសម្អាតឥដ្ឋការ៉ូផងដែរ។

មនុស្សយន្តទាំងនោះមានឈោ្មះថា Troika ផលិតដោយក្រុមហ៊ុន LG Electronics ដែលអាចប្រាប់អ្នកដំណើរពី boarding gates ដើម្បីកុំឲ្យពួកគេខកជើងហោះហើរ។ មិនតែប៉ុណ្ណោះវាក៏ជួយសម្អាតឥដ្ឋការ៉ូ ជំនួសអ្នកអនាម័យផងដែរ។

មនុស្សយន្ត Troika ដែលមានទំហំប្រហាក់ប្រហែលក្មេងជំទង់ បំពាក់ទៅដោយអេក្រង់ចតុកោណកែង នៅខាងមុខ សម្រាប់បង្ហាញនូវព័ត៌មាននៃជើងហោះហើរ ផែនទីរបស់ព្រលានយន្តហោះ និងអាកាសធាតុជាដើម។

អ្នកដំណើរអាចដាក់ សំបុត្រយន្តទៅក្នុងម៉ាស៊ីនស្កេន ដើម្បីដឹងពីព័ត៌មាននៃការហោះហើរ។ ហើយមនុស្សយន្ត Troika ថែមទាំងអាចនាំអ្នកទៅកាន់ boarding gate ផងដែរ។

ឥលូវនេះ ប្រទេសកូរ៉េខាងត្បូងក៏ពូកែខាងបច្ចេកវិទ្យា មិនចាញ់ប្រទេសជិតខាងប៉ុន្មានឡើយ។ កាលពីឆ្នាំ ២០១៥ ក្រុម KAIST កូរ៉េខាងត្បូង បានឈ្នះការប្រកួតរ៉ូប៉ូត លើប្រទេសអាមេរិក និងជប៉ុនផងដែរ។

គួរបញ្ជាក់ផងដែរថា ការបង្កើតមនុស្សយន្តនេះឡើង មិនមែនដើម្បីជំនួសកម្លាំងពលកម្មមនុស្សទេ ប៉ុន្តែដើម្បីជួយតែប៉ុណ្ណោះ ជាពិសេសសម្រាប់វេនយប់ ៕