តាមរបាយការណ៍ថ្មីៗនេះបានឲ្យដឹងថា មនុស្សជាង៤លាននាក់បានទទួលរងផល
ប៉ះពាល់ដោយទឹកជំនន់ដែលបណ្តាលអោយមនុស្សស្លាប់ច្រើននាក់នៅក្នុងប្រទេស
ចិនភាគខាងកើត។
ការធ្លាក់ភ្លៀងដ៏ខ្លាំងដែលបានកំពុងបន្តធ្លាក់នេះ បានបណ្តាលអោយជន់លិចផ្នែកជា
ច្រើននៃខេត្តZhejiang និងខេត្ត Hubei ។
ទឹកជំនន់ក្នុងខែនេះដែលអាក្រក់ជាងគេបំផុតចាប់តាំងពីឆ្នាំ១៩៥៥មកនោះ បានបណ្តាល
អោយមនុស្សជិត១៧០នាក់ស្លាប់ឬបាត់ខ្លួន។
ទីភ្នាក់ងារសារព័ត៌មាននេះបាននិយាយថាហាងលក់ដូរនិងកន្លែងធ្វើពាណិជ្ជកម្មសរុប
ជិត១.០០០កន្លែងត្រូវបានបិទទ្វារ
ផលដំណាំំជាច្រើនត្រូវបានបំផ្លិចបំផ្លាញដែលបានបណ្តាលអោយថ្លៃម្ហូបអាហារឡើងខ្ពស់។
រដ្ឋាភិបាលចិនបានបញ្ជូនកងទ័ពទៅជម្លៀសមនុស្សរាប់ម៉ឺនពាន់នាក់ពីតំបន់រងគ្រោះ
ទាំងនោះ។
ចិនបានបង្កើនកំរិតនៃគ្រោះមហន្តរាយនេះឡើងដល់កំរិតទី៤ដែលជាកំរិត
ដ៏ខ្ពស់បំផុត។
ក្រុមអ្នកវិភាគនិយាយថា ការខ្វះខាតស្បៀងអាហារដែលបណ្តាលមកពីទឹកជំនន់ដ៏
អាក្រក់នៅក្នុងប្រទេសនេះអាចនឹងធ្វើអោយប៉ះពាល់ដល់ថ្លៃម្ហូបអារហារនៅជុំវិញ
ពិភពលោក។
ប្រភព៖ AFP, BBC
ដោយ៖ ណាវី ។