ព័ត៌មានអន្តរជាតិ ៖ ចំនួនជនរងគ្រោះដែលបានស្លាប់បាត់បង់ជីវិត កើនដល់៩៧ នាក់ហើយខណៈ ៥៨ នាក់ផ្សេងទៀត បានបន្តបាត់ខ្លួន ក្រោយពីមានការវាយប្រហារពីសំណាក់គ្រោះធម្មជាតិកំណាច ខ្យល់ព្យុះពីរលើកផ្ទួនគ្នាៗ កាលពីចុងសប្តាហ៍កន្លងទៅ នៅឯប្រទេសម៉ិចសិក នេះបើយោងតាមការដកស្រង់អត្ថបទសារព័ត៌មានពីគេហទំព័របរទេស xinhuanet ។
គួរបញ្ជាក់ផងដែរថា ជាមួយនឹងការកើតមានឡើង នូវគ្រោះធម្មជាតិខ្បល់ព្យុះនេះហើយបានធ្វើអោយភូមិមួយ មានទីតាំងនៅឯតំបន់ភ្នំ ភាគខាងត្បូងប្រទេស បានជួបនឹងគ្រោះធម្មជាតិរអិលបាក់ដី ដោយនៅក្នុងនោះ បានបណ្តាលអោយក្រុមមនុស្សដល់ទៅ ៥៨ នាក់បានបន្តការបាត់ខ្លួន។
ដោយឡែក អាជ្ញារធរក្នុងស្រុក ក៏កំពុងតែចេញប្រតិបត្តិការ ក្នុងការជួយសង្គ្រោះរបស់ខ្លួនដើម្បីធានាអោយបានថា ការចុះធ្វើកិច្ចអន្តរាគមន៍បានទាន់ពេលវេលា និងកាត់បន្ថយអត្រាអ្នកស្លាប់តាមតែអាចធ្វើទៅបាន ។ យ៉ាងណមិញ បើតាមការអោយដឹងពីរដ្ឋមន្រ្តីក្រសួងមហាផ្ទៃ លោក Miguel Angel Osorio Chong អោយដឹងថា ក្នុងនោះ មនុស្សជាង ៤០០នាក់ ត្រូវបានក្រុមការងារចុះជួយសង្គ្រោះបានទាន់ពេលវេលា ដោយជម្លៀសចេញទៅរកទីទួលមានសុវត្ថិភាព តាមរយៈជើងហោះហើរឧទ្ធម្ភាគចក្រ។
បន្ថែមពីលើនេះ ទីភ្នាក់ងារអាកាសធាតុជាតិ បានគូសបញ្ជាក់អោយដឹងថា កាលពីចុងសប្តាហ៍កន្លងទៅនេះ ប្រទេសម៉ិចសិក រងផលប៉ះពាល់ជាខ្លាំង បន្ទាប់ពីមានការវាយប្រហារយ៉ាងដំណំ ពីសំណាក់គ្រោះធម្មជាតិខ្បល់ព្យុះពីរលើកផ្ទួនៗគ្នា ដោយនៅក្នុងនោះវាមានល្បឿនលឿនដល់ទៅ ១២០ គ.ម ក្នុងមួយម៉ោង ដែលជាចលករញ៉ាំងអោយកើតមានឡើងនូវជំនន់ទឹកភ្លៀង ក៏ដូចជាការរអិលបាក់ដីថែមទៀតផង៕
* ព័ត៌មានអន្តរជាតិ ដ៏គួរអោយចាប់អារម្មណ៍ផ្សេងទៀត មាននៅខាងក្រោម ៖
- រកឃើញ សត្វល្អិតចម្លែកពីភពផ្សេង នៅក្នុងបរិយាកាស ភពផែនដី
- នៅសល់តែជាង ៣ ពាន់លានឆ្នាំ ទៀតនោះទេ ពិភពលោក នឹងដល់ថ្ងៃអវសាន របស់ខ្លួន
- លោក អាហ្សាដ យ៉ាងហោចណាស់ ក៏ត្រូវចំណាយពេល ១ ឆ្នាំ ដើម្បីបំផ្លាញនូវ ឃ្លាំងអាវុធគីមី- រស់នៅទាំងភ័យព្រួយ ខណៈប្រឈមនឹងហានិភ័យ ព្រោះក្រពើឡើងគោក តាមជំនន់ទឹកភ្លៀង (មានវីដេអូ)- ១៥ នាក់រងរបួស ខណៈមានការផ្ទុះឆេះ នាវាមុជទឹក នុយក្លេអ៊ែរ មួយគ្រឿង
ដោយ ៖ រិទ្ធីប្រភព ៖ xinhuanet