រដ្ឋមន្រ្តីក្រសួងឧស្សាហកម្ម អ៊ីរ៉ង់ ស្លាប់នៅក្នុងរថយន្ត ក្រោយមានការវាយប្រហារ បាញ់សម្លាប់

ព័ត៌មានអន្តរជាតិ ៖ យោងតាមអត្ថបទផ្សាយ  ពីគេហទំព័រសារព័ត៌មានបរទេស ស៊ិនហួរដែលទើបតែបានចេញផ្សាយកាលពីម្សិលមិញនេះ បន្ទាប់ពីបានដកស្រង់ឯកសារយោងពីគេហទំព័រសារព័ត៌មានក្នុងស្រុក IRNA  អោយដឹងថា   នៅឯទីក្រុង  Tehran  ប្រទេសអ៊ីរ៉ង់ឯណោះវិញ   កាលពីវេលាល្ងាចម្សិលមិញនេះ  ពោលគឺ  វេលាល្ងាច ថ្ងៃទី ១០ ខែវិច្ឆិកា ឆ្នាំ២០១៣ រដ្ឋមន្រ្តីក្រសួងឧស្សាហកម្ម រ៉ែ  និងពាណិជ្ជកម្មម្នាក់  ត្រូវបានបុរសជាខ្មាន់កាំភ្លើងប្រដាប់ដោយកាំភ្លើងដៃ    មិនស្គាល់អត្តសញ្ញាណ  បើកការវាយប្រហារបាញ់សម្លាប់ស្លាប់មួយរំពេច។

គួរបញ្ជាក់ផងដែរថាជនរងគ្រោះខាងលើដែលត្រូវជាអនុប្រធានសភាក្រសួងឧស្សាហកម្មរ៉ែ និងពាណិជ្ជកម្មរូបនេះ ​  មានឈ្មោះថា  Safdar  Rahmatabadi  បានស្លាប់បាត់បង់ជីវិតនៅក្នុងរថយន្តរបស់លោក    នៅឯភាគខាងកើតក្រុង  ក្រោយពីមានការវាយប្រហារបាញ់គ្រាប់ពិត ពីសំណាក់ខ្មាន់កាំភ្លើងមិនស្គាល់អត្តសញ្ញាណ។

ដោយទទួលរងរបួសធ្ងន់ចំក្បាលនិងដើមទ្រូង លោក Safdar Rahmatabadi ក៏បានស្លាប់នៅក្នុងរថយន្តរបស់លោកតែម្តង។  យ៉ាងណាមិញ  មិនទាន់មានក្រុមណាមួយចេញមកអះអាងពីការវាយប្រហារខាងលើនេះទេ  ស្របពេលដែលករណីមួយនេះ ក៏កំពុងតែស្ថិតនៅក្រោមការតាមដានស៊ើបអង្កេតរបស់មន្រ្តីប៉ូលីសនៅឡើយ៕

ប្រែសម្រួល ៖ កុសលប្រភព ៖ ស៊ិនហួរ