កាលពីថ្ងៃព្រហស្បតិ៍ទី 9ខែមិថុនា ប្រទេសថៃបាននិយាយថាខ្លួន បានរកឃើញបាក់តេរី
E. coli នៅក្នុងផ្លែប៊័រដែលនាំចូលពីប្រទេសអេស្ប៉ាញហើយបានកំពុង ពិនិត្យមើលថាតើ
វាជាមេរោគដូចគ្នាទៅនឹងមេរោគដែលបានផ្ទុះឡើងនៅ អឺរ៉ុបនៅពេលថ្មីៗនេះដែលបាន
សម្លាប់មនុស្សច្រើននោះឬយ៉ាងណា។
ពីប្រភពព័ត៌មាន todayonline រដ្ឋមន្ត្រីក្រសួងសុខាភិបាលថៃបាននិយាយថា លទិ្ធផលនៃ
ការពិនិ្យនឹងត្រូបានប្រកាស នៅថ្ងៃអាទិត្យឬ ថ្ងៃអង្គារខាងមុខនេះ ហើយលោកក៏បានប្រាប់
សាធារណជនកុំអោយភ័យស្លន់ស្លោ ដោយបានថ្លែងកត់សំគាល់ថា មានប្រភេទបាក់តេរី
E. coli ច្រើនប្រភេទ។ រដ្ឋាភិបាលថៃបាននិយាយថាប្រជាជននៅតែអាចបរិភោគផែ្លឈើនិង បន្លែស្រស់បានក្នុង ពេលនេះ ប៉ុន្តែ គួរតែលាងសំអាតវាឬចម្អិនវាអោយបានឆ្អិនល្អដើម្បី
សម្លាប់មេរោគ។
នៅក្នុងទ្វីបអឺរ៉ុប បាក់តេរីE. coli ដែលជាមេរោគឆ្លងដ៏ខ្លាំងនេះ បានសម្លាប់មនុស្សយ៉ាងតិច
ណាស់ចំនួន 30នាក់ដែលភាគច្រើននៃអ្នកស្លាប់ ទាំងនេះគឺនៅប្រទេសអាល្លឺម៉ង់ ហើយ
បណ្តាលអោយមនុស្សជាង 2.600នាក់ធ្លាក់ខ្លួនឈឺ នៅក្នុងប្រទេសយ៉ាងតិចណាស់ចំនួន14។
ក្រុមអាជ្ញាធរមិនទាន់រកឃើញប្រភពនៃការផ្ទុះឡើងនៃបាក់តេរីE. coliនេះនៅឡើយទេ។
(ព័ត៌មានទាក់ទង៖
មេរោគថ្មីនៅប្រទេសអាល្លឺម៉ង រាតត្បាត 1800នាក់ធ្លាក់ខ្លួនឈឺ)
ប្រភព៖ TodayOnline
មិនា