កាលពីម្សិលមិញ ថ្ងៃព្រហស្បរតិ ទី9ខែមិថុនា នាវារបស់ចិនបានកាត់ខ្សែកាប្លិ៍ស្ទង់
ប្រេងរបស់នាវារុករកប្រេងវៀតណាមម្តងទៀត ដែលកំពុងធ្វើដំណើរការនៅក្នុងសមុទ្រ
វៀតណាមភាគខាងត្បូងនៃឆ្នេរកណ្ដាល។
អ្នកនាំពាក្យរបស់ក្រសួងការបរទេសវៀតណាម លោកស្រី ង្វៀនភឿងងាបានប្រាប់ឲ្យដឹង
ថា ទូកនេសាទត្រីចិន មានផ្លាកលេខ 6226 ដែលបំពាក់គ្រឿងឧបករណ៍កាត់ខ្សែកាបជំនាញ
និងអមដំណើរ ការពារពីនាវារបស់ចិនចំនួន២គ្រឿងទៀត កាលពីថ្ងៃទី 9ខែមិថុនាបានសំរុក
ចូលបន្ទាត់ខ្សែកាបស្ទង់ប្រេង របស់នាវិ Viking 2 របស់ ក្រុមហ៊ុន Petro Vietnam ដែលកំពុង
ធ្វើការនៅក្នុងតំបន់សេដ្ឋកិច្ចផ្តាច់មុខ នៅសមុទ្រខាងត្បូងចំណុះអាធិបតេយ្យភាពដែនដីរបស់វៀតណាម។ ហើយក្រោយមក នាវាការពារពីរគ្រឿងនោះ ជាមួយនឹងទូកនេសាទមួយ
ចំនួន ក៏ចូលជួយទូកលេខ 6226 ឲ្យរត់គេចខ្លួន។
ពីប្រភពព័ត៌មានក្នុងប្រទេសវៀតណាមបានឲ្យដឹងថា ទោះបីជាមានការព្រមានជាច្រើន
លើកច្រើនដង ទាំងផ្លុំសម្រេងភរវសញ្ញា ទាំងគាំជ្រូច ពីសំណាក់នាវាវៀតណាម ក៏ប៉ុន្តែ
ទូកចិននៅតែធ្វើពុធជាមិនដឹង។ ចំណុចនេះបានឆ្លុះបញ្ចាំងឲ្យដឹងថា ទូកនេសាទនេះមិន
មែនជាទូកនេសាទធម្មតានោះទេ ពោលគឺ ពួកគេត្រូវបានរៀបចំគ្រប់គ្រាន់ជាស្រាប់ ដើម្បីចាត់ការល្បិចកលតាមផែនការ។
ក្រសួងការបរទេសវៀតណាមចោទប្រកាន់ថា រឿងនេះ ម្តងទៀតបានធ្វើឲ្យខូចខាតយ៉ាង
ច្រើនសំរាប់ ផ្នែកប្រេងឧស្ម័នវៀតណាម ហើយវាក៏ជាយុទ្ធនាការរំលោភ អាធិបតេយ្យភាព
ដោយចេតនារបស់ចិន រំលោភនៅលើ កតិកាសញ្ញាសហប្រជាជាតិស្តីពីច្បាប់សមុទ្រនៅ
ឆ្នាំ1982 ក៏ដូចជារលោភទៅលើសេចក្តីប្រកាសស្តីពីសកម្មភាពនៅលើតំបន់សមុទ្រអន្តរជាតិ
ខាងត្បូងចិន។
ចិន ហ្វីលីពីន ម៉ាឡេស៊ី ប្រ៊ុយណេ វៀតណាម និងតៃវ៉ាន់ សុទ្ធតែទាមទារទឹកដីនៅសមុទ្រ
ចិនខាងត្បូង ដែលតំបន់ជាច្រើនត្រូវគេជឿថា មានធនធានប្រេង និងឧស្ម័នដ៏ច្រើនសន្ធឹក
សន្ធាប់។ ការទាមទាររបស់ចិន គឺច្រើនជាងគេបំផុត ដោយបង្កើតជាតំបន់រាងអក្ស U ដ៏ធំ
ល្វឹងល្វើយលើភាគច្រើននៃផ្ទៃសមុទ្រ១,៧ លានគីឡូម៉ែត្រការ៉េ ដែលរួមមានប្រជុំកោះ
ស្ប៉ាត់លី និង ប៉ារ៉ាសែល។