អង្គការសុខាភិបាលអន្តរជាតិ (WHO) បានរាយការណ៍ថា នៅតែមិនទាន់ដឹងពីប្រភពរបស់
ជំងឺថ្មីនេះទេ។
ការកើនឡើងជាគំហុកនូវចំនួនអ្នកឆ្លង នៅក្នុងការរាតត្បាតមេរោគអតិសុខុមប្រាណ(E.coli)
ដែលរហូតមកដល់នឹង ពេលនេះ បានសម្លាប់មនុស្ស 18នាក់។ការផ្ទុះឡើងនូវមេរោគ ដែល
បានផ្តុំ នៅក្រុងហែមប៊ើក ភាគខាងជើងអាល្លឺម៉ង់ បានធ្វើឲ្យមនុស្សជាង1800នាក់ ធ្លាក់ខ្លួន
ឈឺនៅក្នុងប្រទេសចំនួន៨ នៅអឺរ៉ុប។ក្នុងនោះ នៅប្រទេសអាល្លឺម៉ង់ ចំនួនមនុស្សកើតជំងឺគឺ
1700 នាក់ ហើយចំនួនមនុស្សស្លាប់ គឺ 17នាក់ បាននាំឲ្យមានជម្លោះជាអន្តរជាតិជុំវិញប្រភព
នៃការពុល។
ក្រុមមន្រ្តីសហភាពអឺរ៉ុប បាននិយាយថា ករណីបីត្រូវបានរាយការណ៍នៅអាមេរិក ដោយ
បន្ថែមថា ការឆ្លងភាគច្រើនបំផុត ដែលគេរាយការណ៍នៅខាងអាល្លឺម៉ង់គឺជាពលរដ្ឋអាល្លឺម៉ង់
ឬអ្នកដែលបានទៅប្រទេសនេះថ្មីៗនេះ។វិទ្យាស្ថាន រូប៊ឺត គុច (RKI) ជាទីភ្នាក់ងារគ្រប់គ្រង
ជំងឺអាល្លឺម៉ង់ បានរាយការណ៍កាលពីថ្ងៃពុធថា បាក់តេរី E.coli ថ្មី 365 ករណីដែល 1/4នៃ
បាក់តេរីនេះបង្ហាញ រោគសញ្ញាបំផ្លាញគ្រាប់ឈាមក្រហម និងឈឺក្រលៀន (HUS) ជាជំងឺ
គំរាមកំហែងដល់ជីវិតដែលហៅថា មេរោគអតិសុខុមប្រាណបង្កើតជាតិពុល(STEC)។
ដំបូងអាជ្ញាធរអាល្លឺម៉ង់បានបញ្ជាក់អត្តសញ្ញាណលើត្រសក់ដែលគេនាំចូលពីអេស្បាញថា
ទំនងជាប្រភពនៃការឆ្លងនៃជំងឺនេះ។ប៉ុន្តែកាលពីថ្ងៃពុធ អេស្ប៉ាញកំពុងពិចារណាប្តឹង៕