ប្រទេសម៉ូណាកូត្រៀមបា្ររព្ធពិធីរៀបអភិសេករបស់ មហាក្សត្រ

បន្ទាប់ពីពិធីអភិសេកជាប្រវត្តិសាស្រ្តរបស់ព្រះអង្គម្ចាស់ប្រទេស អង់គ្លេស កាលពីថ្ងៃទី
29 មេសា 2011 កន្លងមក ពេលនេះនៅក្នុងប្រទេស ម៉ូណាកូ ក៏បានធ្វើការត្រៀមរៀបចំ
ប្រារព្ធនូវពិធីរៀបអភិសេករបស់ព្រះអង្គម្ចាស់ Albert និងគូជីវិតរបស់ព្រះអង្គ Charlene
Wittstock ផងដែរ ។


ពិធីអភិសេកនឹងត្រូវប្រារព្ធធ្វើឡើងក្នុងរយៈពេលពីរថ្ងៃ នៅឯព្រះរាជវាំងរបស់ព្រះអង្គ
ម្ចាស់ Albert ក្នុងប្រទេស ម៉ូណាកូ ដែលនឹងប្រារព្ធធ្វើឡើងចាប់ពីថ្ងៃទី 2ខែកក្កដា 2011
ខាងមុខនេះ ។

បណ្តាវត្ថុអនុស្សាវរីយ៍ជាផ្លូវការដែលនិយាយពីពិធីអភិសេករបស់ព្រះអង្គម្ចាស់ នឹងត្រូវ
បានដាក់តាំងបង្ហាញនៅ ម៉ូណាកូ ។

វត្ថុអនុស្សាវរីយ៍ជាផ្លូវការដែលនិយាយពីពិធីអភិសេករបស់ព្រះអង្គម្ចាស់ ជាវត្ថុដែលមិន
អាចខ្វះបានក្នុងពិធីអភិសេករបស់ព្រះរាជវង្សនៅទ្វីបអឺរ៉ុប ។

វត្ថុអនុស្សាវរីយ៍ធ្វើពី ព័រសឺឡែន







អនាគត មហេសីរបស់ព្រះអង្គម្ចាស់គឺព្រះនាម Charlene Wittstock មានអាយុតិចជាង
ព្រះអង្គម្ចាស់ Albert 20ឆ្នាំ ។ អនាគតមហេសីរូបនេះជាអតីត កីឡាការិនីអត្ថពលកម្ម
ហែលទឹក របស់ប្រទេស អាហ្វ្រិច ខាងត្បូង ។

នេះជាព្រះរាជវាំងដែលនឹងប្រារព្ធពិធីនៅថ្ងៃទី 2 កក្កដា ខាងមុខ

ព្រះអង្គម្ចាស់ Albert និង Charlene Wittstock ជួបគ្នាលើកដំបូងនៅឆ្នាំ 2000 នៅពេលដែល
Charlene Wittstock បានមកប្រទេស ម៉ូណាកូ ដើម្បីចូលរួមប្រកួតកីឡាហែលទឹក ៕