ព័ត៌មានពីបណ្តាញ Internet បានលេចឡើងថា Microsoft កំពុងរៀបចំខ្លួនដើម្បីទិញ
ផ្នែកទូរស័ព្ទចល័តរបស់ ក្រុមហ៊ុនទូរស័ព្ទធំបំផុតលើពិភពលោកតំលៃ3000កោដិUSD។
ចាប់តាំងពីពេលដែលអតីតប្រធាន Microsoft លោក Stephen Elop បានចូលធ្វើការឲ្យ
Nokia គេចាប់ផ្តើមឫនូវពាក្យចចាមអារាមថា ក្រុមហ៊ុនផលិតទូរស័ព្ទនេះនឹងប្រើប្រព័ន្ធ
ដំណើរការ Windows Phone។ មនុស្សភាគច្រើន មិនមានការជឿជាក់អ្វីសោះ ក៏ប៉ុន្តែ
ទីបំផុតវាក៏បានកើតឡើងពិតមែន។ ដូច្នេះ ការគួរផ្សំនេះ បានធ្វើឲ្យពាក្យចចាមអារាម
ផ្សេងៗទៀតត្រូវលេចឡើង ថា Microsoft នឹងទិញ Nokia ទាំងស្រុង ឬគ្រាន់តែទិញផ្នែក
មួយ។
នៅលើគេហទំព័រ Twitter របស់ខ្លួន លោក Eldar Murtazin ដែលជាអ្នកមានព័ត៌មាន
ច្រើនជាងគេអំពី Nokia បានឲ្យដឹងថា ក្រុមហ៊ុនអាមេរិចនេះ (Microsoft) អាចនឹងទិញ
ផ្នែកទូរស័ព្ទចល័តរបស់ Nokia ក្នុងតំលៃ 3000 កោដិUSD។ ក្រុមអ្នកវិភាគបានឲ្យដឹងថា
ប្រសិនបើពាក្យចចាមអារាមនេះគឺជាការពិតមែន វានឹងជាសកម្មភាពដ៏ឆ្លាតវៃរបស់
ក្រុមហ៊ុនយ៉ាងធំសម្បើមទាំងពីរនេះ ដើម្បីអនុវត្តនូវផែនការកាន់កាប់ទីផ្សារទូរស័ព្ទ។
ប៉ុន្តែ ក្រោយពីពាក្យចចាមអារាម លេចឡើ Nokia ក៏បានច្រានចោល ហើយនិយាយថា ព័ត៌មានេះមិនមានមូលដ្ឋានអ្វិសោះ។ បច្ចុប្បន្ន Nokia កំពុងជាប់នឹងវិបត្តិក្នុងការប្រកួត
ជាមួយនឹងគូប្រណាំងពិសេសគឺ Apple។ ផ្លែប៉ោម ដណ្តើមបានប្រៀបជាង Nokia
នៅដើមឆ្នាំ2011នេះ នូវប្រាក់ចំណូលដោយមានទូរស័ព្ទ iPhone ចំនួន 18,7លានគ្រឿង
ត្រូវលក់ចេញ ទោះបីជាតំលៃរបស់ iPhoneថ្លៃជាង 5ដងបើធៀបនឹងតំលៃមធ្យមរបស់
smartphone Nokia ហើយខ្ពស់ជាង 10ដងបើធៀបនឹងតំលៃរបស់ ទូរស័ព្ទធម្មតា៕