សម្រាប់អ្នកប្រើប្រាស់ iPhone 6 បើសិនណាពួកគេប្តូរមកប្រើប្រាស់ BlackBerry Passport គឺអតិថិជន នឹងត្រូវបានក្រុមហ៊ុនផ្តល់ជូននូវកញ្ចប់ប្រូម៉ូសិន មានចំនួនទឹកប្រាក់ឡើងដល់ ៥៥០ ដុល្លារ។

...អាន៖ Samsung Galaxy A5 តួធ្វើពីលោហធាតុទាំងអស់ ដាក់លក់នៅទីផ្សារប្រទេសចិន ក្នុងតំលៃប្រហែល ៤២០ ដុល្លារ

/

BlackBerry ទើបតែដាក់ចេញនូវកញ្ចប់ពាណិជ្ជកម្ម (Promotion) ដោយមានគោលដៅជុំរុញឲ្យអ្នក ប្រើប្រាស់ iPhone ផ្លាស់ប្តូរមកប្រើប្រាស់ស្មាតហ្វូនរបស់ខ្លួន។ កម្មវិធីប្រូម៉ូសិននេះ នឹងត្រូវបានបើក ដំណើរការ នៅសហរដ្ឋអាមេរិច និងកាណាដា ចាប់ពីថ្ងៃទី០១ ខែធ្នូ ឆ្នាំ២០១៤ ដល់ថ្ងៃទី ១៣ ខែធ្នូ ឆ្នាំ ២០១៥។

...អាន៖ មានដឹងទេ Chip Apple A8 នៅលើ iPhone 6 និង iPhone 6 Plus ផ្គត់ផ្គង់ចាក់វីដេអូ កំរិតរីសូលុយហ្សិន 4K ? (Video inside)

ក្នុងអំឡុងពេលកម្មវិធីដំណើរការ អ្នកប្រើប្រាស់ iPhone បើសិនជាប្តូរមកប្រើ BlackBerry Passport គឹនឹងត្រូវបានក្រុមហ៊ុនផ្គត់ផ្គង់ប្រាក់សុទ្ធ ៤០០ ដុល្លារ (សម្រាប់តំលៃ iPhone) និងប្រាក់ ១៥០ ដុល្លារ ទៀត (ប្រូម៉ូសិនបន្ថែមពី BlackBerry)។ ជាក់ស្តែង អតិថិជនអាចទទួលបានប្រាក់ឡើងដល់ ៤០០ ដុល្លារ គឺផ្តល់ជូនសម្រាប់តែការប្តូរជាមួយនឹង iPhone 6 ប៉ុណ្ណោះ សម្រាប់ម៉ូដែលចាស់ៗជាងនេះ គឺទទួលបាន បានតំលៃទាបជាងនេះ។ នេះគឺជាវិធីសាស្រ្តមួយ ដើម្បីឲ្យ BlackBerry ស្រូបទាញ អតិថិជន ទន្ទឹមនឹងនោះក៏ដើម្បីបន្ថយបរិមាណលក់របស់គូប្រកួតប្រជែង Apple ដែរ។

ដើម្បីពេញនូវលក្ខខណ្ឌក្នុងការចូលរួមកម្មវិធីនេះ អតិថិជនត្រូវទិញ BlackBerry Passport ពីគេហទំព័រ ShopBlackBerry.com ឬពី Amazon។

...អាន៖ ជនជាតិអាស៊ីចូលចិត្តប្រើប្រាស់ iPhone 6 Plus ច្រើនជាងគេ លើសកលលោក

បច្ចុប្បន្ន BlackBerry Passport គឺជាឧបករណ៍ចល័តលំដាប់កំពូលរបស់ BlackBerry។ វាត្រូវបាន រចនាម៉ូតមានអេក្រង់ Touch រួមជាមួយនឹងប៊ូតុងចុច QWERTY ។ BlackBerry Passport ក៏មាន បំពាក់នូវលក្ខណៈសម្បត្តិខ្លាំង ជាមួយនឹង CPU Snapdragon 801 ល្បឿន 2.3 GHz, RAM 3GB, កាមេរ៉ាក្រោយ 13 megapixel និងថាមពលថ្ម 3450 mAh៕

 

ប្រែសម្រួល៖ សិលាប្រភព៖ PhoneArena, vreview