អ្នកវិទ្យាសាស្រ្តជាច្រើនបានធ្វើការព្រមានពីព្យុះព្រះ អាទិត្យដ៏ធំមិនធ្លាប់មាននឹងវាយប្រហារ
ផែនដីនៅពីរឆ្នាំខាងមុខ ពោលគឺឆ្នាំ2013។
អ្នកស្រីបណ្ឌិត Sullivan ដែលជាអតីតអវកាសយានិករបស់ណាសានិងជាស្រ្ដីទីមួយដែលបាន
ដើរនៅលើទីអវកាសកាលពីឆ្នាំ1984 បានប្រាប់សន្និសិទស្ដីពីអាកាសធាតុរបស់អង្គការសហ
ប្រជាជាតិ (UN) នៅទីក្រុងហ្សែណេវកាលពីម្សិលម៉ិញនេះថា បញ្ហាធំនឹងកើតមាននៅពេល
ដែលព្យុះព្រះអាទិត្យដែលធំបំផុត ចាប់ផ្ដើមវាយប្រហារផែនដី។
អ្នកស្រីដែលបានបន្ថែមថា ព្យុះព្រះអាទិត្យនេះនឹងធ្វើឲ្យប៉ះពាល់ដល់ហេដ្ឋារចនាសម្ព័ន្ធដូចជាផ្កាយរណបសម្រាប់ទំនាក់ទំនង ឧបករណ៍បញ្ជូនអគ្គិសនី ប្រព័ន្ធទូរសព្ទ និងប្រព័ន្ធជីភីអែស
ជាដើម។ ព្យុះព្រះអាទិត្យនឹងធ្វើឲ្យបច្ចេកវិទ្យាទំនើបនាពេលបច្ចុប្បន្ន ជួបនូវបញ្ហាជាច្រើន។
អ្នកស្រី Sullivan មិនមែនជាអ្នកជំនាញតែម្នាក់នោះទេ ដែលបានព្រមាន ពីការគម្រាមកំហែង
ពីព្យុះព្រះអាទិត្យនេះ។ កាលពីខែ កុម្ភៈ មានអាវកាសយានិកជាច្រើន ក៏បាន ព្រមានឲ្យមនុស្ស
ជាតិធ្វើការត្រៀមខ្លួនទប់ទល់ជាមួយនឹង មហន្តរាយដែលបង្កឡើងដោយព្យុះព្រះអាទិត្យនេះ
ដែរ។ ក្រុមអ្នកជំនាញបានប្រាប់ទៀតថា ប្រសិនបើព្យុះនេះវាសាហាវដូចការរំពឹងទុកមែន
វាក៏ នឹងបំផ្លាញទាំងទីផ្សារភាគហ៊ុន និងធ្វើឲ្យដាច់ចរន្តអគ្គីសនីលើសពីមួយសប្ដាហ៍ឬក៏លើ
សមួយខែក៏អាចថាបាន។ ឱកាសនៃព្យុះនេះគឺកាន់តែខ្លាំងឡើងៗ ព្រោះព្រះអាទិត្យគឺកំពុង
តែចូលខ្លួនទៅក្នុងដំណាក់កាលសកម្មបំផុត នៃរង្វិលជុំគម្រប់១២ឆ្នាំរបស់វា។
ព្យុះព្រះអាទិត្យនេះ កើតឡើងដោយសារការផ្ទុះដ៏ខ្លាំងនៅលើព្រះអាទិត្យ។ ការផ្ទុះនេះ បាន
បញ្ចេញនូវរលកកាំរស្មី X និងអ៊ុលត្រាវីយូលេ ហើយបើកបក់មកដល់ផែនដីក្នុងរយៈពេល
តែប្រហែលជាងមួយនាទីប៉ុណ្ណោះ រួចវានឹងបំផ្លាញសញ្ញារលកវិទ្យុ និងប្រព័ន្ធផ្កាយរណប។
ព្យុះព្រះអាទិត្យមិនមែនជារឿងថ្មីសម្រាប់ផែនដីនោះទេ។ ព្យុះព្រះអាទិត្យដ៏ធំទីមួយត្រូវបានកត់ត្រាទុកដោយអវកាសយានិកជនជាតិអង់គ្លេស Richard Carrington នៅឆ្នាំ1859។ ព្យុះព្រះអាទិត្យផ្សេងទៀត បានកើតឡើងកាលពីឆ្នាំ1972 ដែល ពេលនោះប្រព័ន្ធទូរសព្ទ ត្រូវបានកាត់ផ្ដាច់ នៅតំបន់រដ្ឋអ៊ីលីណយ សហរដ្ឋអាមេរិកនេះ
បើតាមការឲ្យដឹងពីទីភ្នាក់ងារអវកាសរបស់អាមេរិក ណាសា។ ណាសាបានឲ្យដឹងទៀត
ថា ចំណែកឯព្យុះព្រះអាទិត្យនៅឆ្នាំ1989វិញ ក៏បានធ្វើឲ្យប្រព័ន្ធអគ្គីសនី នៅទីក្រុងគូប៊ិច
នៃប្រទេសកាណាដា ត្រូវបានកាត់ផ្ដាច់ផងដែរ។