(ភ្នំពេញ)៖ ធនាគារជាតិនៃកម្ពុជាត្រូវការជ្រើសរើសបុគ្គលិកទាំងពីរភេទ ដែលមានបំណងចង់ចូលបម្រើការងារក្នុងក្របខ័ណ្ឌលេខាធិការ«គ» ចំនួន១៥រូប តាមរយៈការប្រឡងប្រជែង និងចាប់ទទួលពាក្យប្រឡងពីថ្ងៃនេះ រហូតដល់ថ្ងៃទី១៧ ខែកុម្ភៈ ឆ្នាំ២០១៧ វេលាម៉ោង១១៖០០នាទីព្រឹក។
លក្ខខណ្ឌនៃការជ្រើសរើស បេក្ខជនទាំងពីរភេទត្រូវមាន៖ * សញ្ជាតិខ្មែរ* អាយុចន្លោះពី១៨-២៥ឆ្នាំ* មានសញ្ញាបត្រ «ប្រកាសនីយបត្រជាន់ខ្ពស់បច្ចេកទេសធនាគារ» ចេញដោយមណ្ឌលសិក្សាបច្ចេកទេសធនាគារ* មានចំណេះដឹងភាសាអង់គ្លេស និងកុំព្យូទ័រ* មានកាយសម្បទាគ្រប់គ្រាន់ (វិញ្ញាបនបត្របញ្ជាក់ពីនាយកដ្ឋានពេទ្យការងារ)។
សម្រាប់ព័ត៌មានបន្ថែមបេក្ខជនអាចមកសាកសួរ នៅនាយកដ្ឋានបុគ្គលិកនៃធនាគារជាតិនៃកម្ពុជា ដែលមានទីតាំងស្ថិតនៅឡូតិ៍ ២២-២៤ តាមបណ្ដោយមហាវិថីព្រះនរោត្តម រាជធានីភ្នំពេញ ចន្លោះពី៨៖០០នាទីព្រឹក រហូតដល់ម៉ោង១៥៖០០ នាទីរសៀល រៀងរាល់ថ្ងៃធ្វើការ៕
សម្រាប់ព័ត៌មានលម្អិតសូមអានសេចក្ដីជូនដំណឹងរបស់ធនាគារជាតិនៃកម្ពុជាទាំងស្រុង៖
ផ្តល់សិទ្ធិដោយ ៖ ហ្រ្វេសញ៉ូវអាសុី