តាមព័ត៌មានរបស់កាសែត The Sun លោក Omar Bin Laden បានជួលមេធាវីជនជាតិ
អង់គ្លេស ដើម្បីប្តឹងអាមេរិច អំពីការសម្លាប់ឪពុករបស់ខ្លូន។
Omar អាយុ 30ឆ្នាំគឺជាកូនទី 4ក្នុងចំណោមកូន 24នាក់របស់ Osama។ គាត់បានរិះគន់
ប្រធានាធិបតី Barack Obama ហើយចោទប្រកាន់ថា អាមេរិចបានបំពានទៅលើគោល
ការណ៍មូនដ្ឋាន នៅពេលសម្លាប់មនុស្សដែលមិនមានអាវុធ បាញ់សមាជិកគ្រួសា ហើយ
យកសាកសពឪពុកគេទៅទម្លាក់ចោលក្នុងទឹកសមុទ្រ វាពុំសមស្របទៅនឹងសាសនា
អ៊ិស្លាម។
ក្នុងលិខិតនេះ អាមេរិចត្រូវបានចោទប្រកាន់ថាបានធ្វើបំពានលើច្បាប់អន្តរជាតិនៅពេល
សម្លាប់មេភេរវករម្នាក់ ដែលគ្មានការកាត់ក្តី។ ប៉ុន្តែ លិខិតក៏សង្កត់ធ្ងន់ថា នោះគឺជាការ
ឧបមា �ប្រសិនបើ� បេសកកម្មរបស់អាមេរិចជោគជ័យ។ Omar ចាប់ផ្តើមលិខិតនោះ ដោយការសង្កត់ធ្ងន់ថា គ្រួសារបស់គាត់មិនជឿមេភេរវករ Al Qaeda បានស្លាប់ ហើយ
គេចង់ឃើញ ផ្ទាល់ភ្នែកដោយរូបថតឬវីឌីអូ។ ហើយប្រសិនបើមេភេរវករបានស្លាប់ពិត
មែននោះ Omar ឆ្ងល់ថាមនុស្សដូចជា Saddam Hussein និង Slobodan Milosevic នៅតែ
មានឱកាសត្រូវបានកាត់ក្តី រីឯឪពុករបស់គាត់មិនត្រូវចាប់ខ្លួន ក៏មិនបានកាត់ក្តីនៅ
តុលាការផងដែរ។
កាលពីមុន រដ្ឋមន្ត្រីក្រសួងយុតិ្តធម៌អាមេរិច Eric Holder បានមានប្រសាសន៍ថា បេសកកម្ម
សម្លាប់ Bin Laden គឺស្រមច្បាប់។ លោក Holder បាននិយាយថា៖ �យុទ្ធនាការដែលសម្លាប់
Osama bin Laden គឺវាស្រប់នឹងច្បាប់។ គាត់ជាមេភេរវករ របស់ al-Qaeda ដែលជាអង្គការ
បានធ្វើរការវាយប្រហារនាថ្ងៃទី11ខែកញ្ញា។ គាត់ក៏ទទួលស្គាល់ថាខ្លូនមានទាក់ទង�។
ព័ត៌មានបន្ថែមពី The Sun បានឲ្យដឹងថា Hamza Bin Laden ជាកូនពៅ របស់ Bin Laden
អាយុ 20 ឆ្នាំ ហើយជាតួអង្គមានឈ្មោះ �ព្រះអង្គម្ចាស់ភេរវករ� បានបាត់ខ្លួនតាំងពីថ្ងៃដែល
កងកម្លាំងអាមេរិច វាយប្រហារចូលកន្លែងរស់នៅរបស់មេភេរវករនៅ Abbottabad Pakistan។
Hamza បានគេចាត់ទុកថាជាអ្នកស្នងតំណែងមេភេរវករ al-Qaeda បច្ចុប្បន្នកំពុងរត់គេចខ្លួន
ហើយអាចមានឧបាយកលសងសឹក។ ដំបូងកងកម្លាំងរបស់អាមេរិចគិតថាគេសម្លាប់Hamza
បានហើយ ប៉ុន្តែក្រោយមក មានព័ត៌មានចញ្ជាក់ថា គេច្រឡំជាមួយនឹងបងប្រុស ឈ្មោះ
Khalid អាយុ 22 ឆ្នាំ។
(ដោយ៖ មិនា)