ព័ត៌មានអន្តរជាតិ ៖ តារាសម្តែងស្រី ហូលីវូដ នាង Angelina Jolie អំឡុងចុងសប្តាហ៍ ថ្ងៃសុក្រទី ២៤ ខែមេសាកន្លងទៅនេះ បានធ្វើការរិះគន់ចំៗ ចំពោះភាព បរាជ័យ របស់ក្រុមប្រឹក្សាសន្តិសុខអង្គការ សហប្រជាជាតិ ទៅលើការបញ្ជប់សង្គ្រាមនៅក្នុងប្រទេស ស៊ីរី ស្រប ពេល ដែលតារាសម្តែងរូបនេះ បានបន្តអំពាវនាវ អោយមានជំនួយជាបន្ទាន់ ជួយដល់ការកើនឡើង នៃជនភៀសខ្លួន ស៊ីរី ។
តារាសម្តែងស្រីរូបនេះ បានលើកឡើងយ៉ាងដូច្នេះ នៅឯក្រុមប្រឹក្សា UN ក្នុ ង នា មគាត់ជាប្រេសិតពិសេស របស់ឧត្តមស្នងការអង្គការសហប្រជាជាតិសម្រាប់ជនភៀសខ្លួន ខណៈខ្លួននាងផ្ទាល់ ធ្លាប់ បានចុះទៅដល់ ជុំរុំជនភៀសខ្លួនស៊ីរី ដោយផ្ទាល់ ដល់ទៅ ១១ ដង ។ ជាការប៉ាន់ប្រមាណ ក្រុម ជន ភៀសខ្លួនដល់ទៅ ជិត ៤ លាននាក់ បានភៀសខ្លួនចេញពីប្រទេស ក្នុងរយៈពេល ៤ ឆ្នាំ ចុងក្រោយ នេះដោយសារតែសង្គ្រាមស៊ីវិល ។
នាង Angelina បញ្ជាក់ក្តែងអោយដឹងថា ៖ គោលបំណងរបស់អង្គការ សហប្រជាជាតិ គឺធ្វើការការ ពារនិងបញ្ចប់ជម្លោះ នាំមកនូវប្រជាជាតិតែមួយ ស្វែងរកដំណោះ ស្រាយ ការទូត និង ជួយសង្គ្រោះ អាយុជីវិត ប៉ុន្តែទាំងអស់នេះ ពួកយើងបរាជ័យ សម្រាប់ បេសកម្ម នៅ ក្នុងប្រទេស ស៊ីរី ។ បន្ថែមពី លើនេះ សេចក្តីរាយការណ៍ បញ្ជាក់អោយដឹងថា នាង មាន ការ ខឹង សម្បារជាខ្លាំង ទៅលើបណ្តា សមាជិករដ្ឋ ដែលជាអគ្គរដ្ឋទូត និងរដ្ឋមន្រ្តី បានចួលរួមនៅក្នុងកិច្ចពិភាក្សា ទៅលើវិបត្តិមនុស្សជាតិ ដែលបានធ្វើអោយប្រទេសស៊ីរី បែកខ្ញែក ហែកចេញពីគ្នា ព្រោះ សង្គ្រាមស៊ីវិល ។ វិបត្តិនេះ ត្រូវបាន ធ្វើឡើងអោយកាន់តែអាក្រក់ ដោយសារតែការសម្រេចចិត្ត ក៏ដូចជា ភាពស្ទាក់ស្ទើរ នៃបណ្តាសហ គមន៍អន្តរជាតិ សម្រាប់ការពារ ក្រុម ប្រឹក្សាអន្តរជាតិ ពីទំនួលខុសត្រូវពេញ លេញ របស់ខ្លួន នាង Angelina បន្តអោយដឹងថា យ៉ាងដូច្នេះ ។
ក្រុមប្រឹក្សាសន្តិសុខ UN បានបែកខ្ញែក រវាង មហាអំណាច លោកខាងលិច ស្វែងរក សំពាធទៅលើ ក្រុង Damascus ក៏ដូចជា សម្ព័ន្ធមិត្ត ប្រទេសរុស្ស៊ី និង ចិន ដែលបានធ្វើការ វេតូ ។ នាង Angelina អំពាវនាវអោយក្រុមប្រឹក្សា សហការណ៍គ្នាជាធ្លុងមួយ ជួយដោះស្រាយ ដល់វិបត្តិ ប្រឈម និង ផ្តល់ ជាជំនួយ សម្រាប់ប្រជាជនស៊ីរី ដែលបានភៀសខ្លួនទៅកាន់ បណ្តាប្រទេសជិត ខាង ក្នុងនោះ ភាគ ច្រើននៃពួកគេបានស្លាប់បាត់បង់ជីវិត បន្ទាប់ពីព្យាយាមធ្វើដំណើរឆ្លងកាត់ សមុទ្រ Mediterranean ទាំងហានិភ័យ ទូកតូច គ្នាច្រើនលើសលប់ ចូលទៅកាន់ទឹកដី អឺរ៉ុប ។ ប្រសិនបើ ពួកយើងមិនអាច បញ្ជប់វិបត្តិមួយនេះ បានទេនោះ ហោចណាស់ ក៏ពួកយើងមានដំណោះស្រាយសីលធម៌សម្រាប់ជន ភៀសខ្លួន តាមរយៈផ្តល់ជាមធ្យោបាយសុវត្ថិភាព ដល់ពួកគេជាដើម នេះបើ តាម ការលើកឡើង ពី សំណាក់នាង Angelina Jolie ៕
ប្រែសម្រួល ៖ កុសល
ប្រភព ៖ CNA