កាលពីចុងសប្ដាហ៍មុន គូស្នេហ៍សហាយស្មាន់គ្នាមួយគូនៅប្រទេសកេនយ៉ា បានជួបនឹងបញ្ហាលំបាកបំផុតក្នុងពេលរួមភេទជាមួយគ្នា។
អ្នកស្រុកនាំគ្នាសែងគូស្នេហ៍សហាយស្មន់ទៅកាន់ផ្ទះគ្រូពេទ្យមេធ្មប់ដើម្បីជួយបំបែកចេញពីគ្នា
ក្នុងពេលកំពុងតែរួមរ័ក ស្រាប់តែពួកគេត្រូវជាប់គាំង ដោយមិនអាចបំបែកចេញពីគ្នាបាន ទើបសម្រេចចិត្តហៅអ្នកជិតខាងមកជួយ។ គូស្នេហ៍ដែលជួបនឹងបញ្ហានេះ រស់នៅក្នុងតំបន់ Daraja Mbili នៃក្រុង Kisii ភាគខាងលិចប្រទេសកេនយ៉ា។
គូស្នេហ៍នេះត្រូវបានគេគ្របដណ្ដប់ភួយជិត ក្នុងពេលសែងទៅផ្ទះគ្រូពេទ្យមេធ្មប់
ក្រោយពីបានសុំជំនួយពីអ្នកភូមិ មនុស្សជាច្រើនក៏បានមកមើល ប៉ុន្តែ គូស្នេហ៍នេះបានរុំភួយជិតពីក្បាលដល់ចុងជើង។
សារព័ត៌មានក្នុងស្រុកបានឱ្យដឹងថា ព្រោះតែសង្ស័យភរិយារបស់ខ្លួនមានសហាយ បុរសជាប្ដី បានលួចលាក់ដាក់ថ្នាំដែលផ្សំដោយគ្រូពេទ្យមេធ្មប់ ឱ្យប្រពន្ធផឹក។ ថ្នាំនេះមានឥទ្ធិពលបណ្ដាលឱ្យគូស្នេហ៍សហាយស្មាន់មិនអាចបំបែកចេញពីគ្នា ជួយឱ្យបុរសជាប្ដីចាប់បានភ័ស្ដុតាងជាក់ស្ដែង។
តាមការណែនាំរបស់បុរសជាប្ដី គូស្នេហ៍សហាយស្មន់នេះ ត្រូវបានបញ្ជូនទៅកាន់ផ្ទះរបស់គ្រូពេទ្យមេធ្មប់ ដើម្បី “បំបែកចេញពីគ្នា”។
ម្នាក់ពាក់អាវក្រហមនេះគឺជាគ្រូពេទ្យធ្មប់ដែលជួយសង្គ្រោះគូស្នេហ៍ដែលជួបបញ្ហា
គ្រូពេទ្យ “មេធ្មប់” បានចាប់ឱ្យបុរសជាសហាយបង់ប្រាក់ពិន័យ មុនពេលជួយបំបែកចេញពីគ្នា។
គ្រូពេទ្យមេធ្មប់ ក៏បាននិយាយប្រាប់អ្នកសារព័ត៌មានថា ហេតុការណ៍នេះគឺជាមេរៀនមួយសម្រាប់មនុស្សដែលមានចិត្តមិនស្មោះក្នុងទំនាក់ទំនងស្នេហា។ សារព័ត៌មាននៃប្រទេសនេះក៏បានលើកឡើងថា សហាយស្មន់គឺជាបញ្ហាសង្គមមួយកំពុងកើតមានច្រើននៅកេនយ៉ា៕
ប្រែសម្រួល ៖ តារាប្រភព ៖ Mirror