អង់គ្លេស៖ បើតាមការអោយដឹង របស់ទស្សនាដ្ដី Right of Family ប្រទេសអង់គ្លេសដែលបានចុះផ្សាយកាលពីម្សិលមិញនេះថា មានគ្រួសារមួយបានជ្រើសរើសពស់ថ្លាន់ដ៏ធំ ដែលមានប្រវែង ១៧ feet ស្មើ ៥.២ ម៉ែត្រ អោយមករស់ជាមួយគ្រួសាររបស់ខ្លួន។
នាងគីម (Kim)ជាកូនស្រីទោលតែមួយគត់ ដែលរស់ក្នុងគ្រួសារមួយ ក្នុងតំបន់ Guyhirn រដ្ឋ Cambridgeshire នៃប្រទេសអង់គ្លេស។ នាងគីម បាននិយាយថា គ្រួសាររបស់នាងមានសមាជិកចំនួនបីនាក់ ហើយពេលនេះ ពួកគាត់បានចាប់ពស់ថ្លាន់មួយ នៅក្នុងព្រៃក្បែរមាត់ទឹកជិតផ្ទះរបស់នាង អោយមករូមរស់ជាមួយគ្នា ដូចមនុស្សធម្មតាអញ្ចឹង។
នាងគីម បានបន្ដថា ពស់ថ្លាន់ពស់ពណ៍លឿងនេះ ត្រូវបានគ្រួសាររបស់នាងចាប់មកតាំងពីគេមានប្រវែងប្រហែល ១.៥ ម៉ែត្រប៉ុណ្ណោះ តែពេលនេះគេមានទំហំធំណាស់ ពោលគឺមានប្រវែងរហូតដល់ ៥.២ ម៉ែត្រឯណ្ណោះ។ នាងគីម បានបន្ថែមថា ពស់ថា្លន់នេះត្រូវគ្រួសាររបស់នាងដាក់ឈ្មោះថា លីលី(Lilly)។ នាងគីម និយាយថា លីលីជាពស់ដែលស្លូត និងតែងតែនំាសំណាងដល់គ្រួសារនាងជារឿយៗ៕
ដោយ៖ រក្សាប្រភព៖ dailymail