ដំបូងឡើយ ទីផ្សារស្មាតហ្វូននៅឥណ្ឌា មានគោលគំនិតដូចទៅនឹងបណ្តាប្រទេសផ្សេងទៀតដែរ គឺអ្នកប្រើប្រាស់ សុខចិត្តថែមលុយមួយចំនួនទៀត ដើម្បីទិញ iPhone 5S តែម្តង ឬក៏ប្តូរទៅទិញផលិតផល Samsung (S4) ជាងការដែលទៅទិញ iPhone 5C។ ជាក់ស្តែងអ្វីៗបានផ្លាស់ប្តូរស្ទើរ តែ ៣៦០ ដឺក្រេ នៅពេលដែល Apple បានបង្ហាញណែនាំ គោលនយោបាយលក់ថ្មីមួយ។ ក្នុងនោះ អតិថិជនអាចយកស្មាតហ្វូនចាស់ៗរបស់ខ្លួន មកប្តូរយក iPhone 5C ដោយមានការបញ្ចុះតំលៃលក់រហូតដល់ទៅ ២០៨ ដុល្លារ (កំរិតអតិបរមា)។
បើតាមរបាយការណ៍ របស់ហាងលក់រាយមួយចំនួននៅប្រទេសឥណ្ឌា បានឲ្យដឹងថា បច្ចុប្បន្នiPhone 5C បានឈ្នះ (លើបរិមាណលក់ចេញ) Galaxy S4 ហើយក្លាយទៅជាស្មាតហ្វូនលក់ដាច់ជាងគេទី២ បន្ទាប់ពី iPhone 5S នៅក្នុងប្រទេសនេះ។
បច្ចុប្បន្ន Apple កំពុងតែរៀបចំពង្រីកនូវគោលនយោបាយលក់ ដែលបាននិយាយខាងលើនេះ លើទីផ្សារប្រទេសមួយចំនួនទៀត នៅទ្វីបអាស៊ី តំបន់ប៉ាស៊ីហ្វិក និងអាមេរិកឡាទីន ផងដែរ៕
ប្រែសម្រួល៖ សិលាប្រភព៖ zing