ប៉ូស្តិ៍ទូរទស្សន៍GEO របស់ Pakistan បាននាំពាក្យពីការប្រកាសថ្មីមួយរបស់ Taliban កាលពី
ម្សិលមិញ ថាមេដឹកនាំជាន់ខ្ពស់របស់អង្គការភេរវកម្មអន្តរជាតិ al-Qaeda មិនទាន់ស្លាប់ ហើយព្រមទាំងចោទប្រកាន់ការប្រកាស Bin Laden ស្លាប់គឺខ្វះមូលដ្ឋាន។
តាំងពីថ្ងៃ ១ខែឧសភា ក្នុងសុន្ទរកថាលើទូរទស្សន៍របស់ប្រធានាធិបតីអាមេរិច Barack
Obama បានប្រកាសចំពោះមុខសាធារណះទូទាំងពិភពលោកបានដឹងថា bin Laden
ត្រូវបានសម្លាប់ ក្នុងការវាយប្រហារពីលើអាកាសរបស់ អេមារិច។
ភ្នាក់ងារចារកម្ម របស់អាមេរិចបានអះអាងថា នៅពេលនោះ bin Laden កំពុងមានវត្តមានក្នុងភូមិគ្រឹះជាមួយនឹងគ្រួសារបស់ខ្លូន។ ប៉ុន្តែ Taliban ក៏អះអាងថា bin Laden មិនទាន់
ស្លាប់ទេ ហើយចេញការព្រមានចំពោះសន្តិសុខនៅប្រទេសអាមេរិច។
អ្នកនាំពាក្យរបស់ Taliban បានឲ្យដឹងថា៖ �ទោះបីជាការស្លាប់របស់មេដឹកនាំរបស់យើង
(Osama Bin Laden) គឺជាការពិតឬមិនពិនក៏ដោយ ទីចុងក្រោយរបស់ប្រទេសអាមេរិចក៏នៅដដែលទេ។ សត្វតោនៅតែជាសត្វជានិច្ច (គឺ Taliban) ហើយយើងនៅតែបន្តបព្វហេតុ
របស់ Bin Laden។�
តាំងពីយប់មិញថ្ងៃទី2 ខែឧសភា ប្រភពពី AP បានឲ្យដឹងថាមន្ត្រីរដ្ឋាភិបាល អាមេរិចបាន
មានប្រកាសអំពីលទ្ធផលនៃការធ្វើកោសល្យវិច័យ ADN ពីសពរបស់ Osama bin Laden។
តាមនោះ មេភេរវករពិតជាត្រូវបានសម្លាប់មែន។ ប៉ុន្តែមិនទាន់មានរូបថតឬភស្តុតាងជាក់
ស្តែងមួយណាសោះ ដែលត្រូវបានសេតវិមានប្រកាសជាផ្លូវការទេ។ តាមព័ត៌មានពី ABCNews
បានឲ្យដឹងថា ផ្ទៃក្នុងរដ្ឋាភិបាលអាមេរិចនៅតែមានការជជែកអំពីរឿង គួរឬមិនគួរប្រកាស
បណ្តារូបថតដែលត្រូវបានគេនិយាយថា អាចបង្កើតឡើងការជ្រួនជ្រើម។
ក្នុងពេលនោះ ព័ត៌មានអំពីរូបភាព ដែលត្រូវបានកាសែតអន្តរជាតិផ្សាយគ្រប់ៗគ្នាកាលពី
ម្សិលមិញនោះ តូ្រវបានបញ្ជាក់ថាវាជារូបក្លែងក្លាយតែប៉ុណ្ណោះ។ រឿងនេះ បានធ្វើឲ្យ
សាធារណះកាន់តែក្តៅគគុកទៅទៀត។ តាមព័ត៌មានបច្ចុប្បន្ន រូបភាពនេះ ចាប់ផ្តើមពី
គេហទំព័រអ៊ីស្លាមសាសនា ហើយត្រូវបានផ្សាយលើកដំបូង ដោយ Express TV។
មាត់របស់ Bin Laden ពេលនៅរស់ និងនៅពេលស្លាប់
ប៉ុន្តែបន្ទាប់មក កាសែត Guardian បានបកអាក្រាតរូបភាព �ក្បាលរបស់ bin Laden� នោះ
គឺផលិតផលរបស់ photoshop 100% ដែលត្រូវបញ្ចូលពីរូបថតសាកសពបុរសជនជាតិ
អារ៉ាបម្នាក់ផ្សាយនៅគេហទំព័រ Medialine.org នាថ្ងៃទី29 ខែមេសាឆ្នាំ2009 ជាមួយនឹង
រូបភាពរបស់មេភេរវករ bin Laden ត្រូវប្រកាសពី Reuters ដែលលថតនៅឆ្នាំ 1998។
រដ្ឋាភិបាលអាមេរិចបានមានប្រសាសន៍ថា គេបានប្រើគ្រប់វិធីដើម្បី បញ្ជាក់បុរសនោះ
គឺ Osama Bin Laden ពិតមែន មុនពេលចោលសពចូលក្នុងសមុទ្រ។ តាមព័ត៌មាន
របស់ APបានឲ្យដឹងថា សាកសពនោះក៏ត្រូវបានបញ្ជាក់ពីប្រព័ន្ធមួយក្នុងចំណោមប្រព័ន្ធ
របស់ bin Laden និងពីសមាជិកនៃក្រុមចូលរួមយុទ្ធនាការវាយប្រហារនោះផ្ទាល់។
ក៏ប៉ុន្តែ អ្វីដែលធ្វើឲ្យគេឆ្ងល់ គឺសាកសពរបស់ bin Laden ត្រូវបានចញ្ចុះដោយចោល
នៅក្នុងសមុទ្រ។ ថែមម្តងទៀត វាបានពង្រឹងនូវការមន្ទិលអំពីដំណឹងមរណះភាពគ្មាន
តម្លាភាពនេះរបស់ Osama Bin Laden ។ សាធារណះមតិភាគច្រើននិយាយថា៖ �គ្រាន់តែ
នៅពេលណាដែលឃើញ bin Laden ផ្ទាល់ភ្នែក ដូចជា Saddam Hussein ពេលមុន ពេលនោះគេទើបនឹងជឿ។�
(ដោយ៖ មិនា)