ព្យុះធំនិងខ្យល់កួចយក្សយ៉ាងខ្លាំងបក់កាត់ប្រទេសអាមេរិក កាលពីប៉ុន្មានថ្ងៃមុនបាន
បំផ្លាញហេដ្ឋារចនាសម័្ពន្ធ និងសម្លាប់យ៉ាងហោចណាស់ មនុស្សចំនួន 178 នាក់។
ក្នុងនោះចំនួនមនុស្សស្លាប់ច្រើនជាងគេគឺនៅរដ្ឋ Alabama 128នាក់។
ប្រធានាធិបតី Barack Obama បានប្រកាសគ្រាសអាសន្ន និងនិយាយថារដ្ឋាភិបាល
ក្រុង Washington នឹងប្រញាប់ប្រញាល់ បញ្ជូនជំនួយរុករកនិងសង្គ្រោះទៅកាន់
រដ្ឋភាគអាគ្នេយ៍នេះ។
រដ្ឋាភិបាល Alabama បានហៅទាហានឆ្មាំជាតិជាង 1400នាក់ដើម្បីជួយសង្គ្រោះ
ស្វែងរកអ្នកបាត់ខ្លួន និងដើម្បីរក្សាសន្តិសុខ។
ស្ថានភាពគ្រាអាសន្នត្រូវបានប្រកាសឡើងនៅ Alabama, Arkansas, Tennessee,
Mississippi, Missouri ,Kentucky និង Oklahoma។
សេវាអាកាសធាតុជាតិបានរាយការណ៍អំពីខ្សល់កួចធំៗជិត៣០០ចាប់តាំងពី
ព្យុះបានចាប់ផ្តើមកើតមានកាលពីថ្ងៃសុក្រ ដោយរួមមានជាង១៣០ខ្សល់កួច
កាលពីថ្ងៃពុធតែមួយ។
ដល់ពេលបច្ចុប្បន្ននៅមិនទាន់មានរបាយការណ៍គ្រាប់គ្រាន់ អំពីចំនួនមនុស្ស
ស្លាប់និងបាត់ខ្លននោះទេ ពិព្រោះព្យុះធំនេះកើតឡើងនៅរដ្ឋជាច្រើនទៀត នៅ
តំបន់ខាងត្បូងនិងខាងលិចប្រទេសអាមេរិច។ អ្នកជំនាញនៅតែបន្តការតាមដាន។
(ដោយ៖ មិនា)