តាំងពីដើមមក គឺយើងបានត្រឹមតែឃើញព័ត៌មានចចាមអារ៉ាម ស្តីពីរូបរាងផ្នែកខាងក្រោយនៃ iPhone ស៊េរីបន្ទាប់របស់ Apple ប៉ុណ្ណោះ តែពេលនេះមានព័ត៌មានបង្ហាញឲ្យយើងបានឃើញ ពីផ្នែកខាងមុខ របស់វាហើយ។ អ្វីដែលគួរឲ្យភ្ញាក់ផ្អើលនោះ គឺអវត្តមានរបស់ប៊ូតុង Home ដែលតាមប្រភពព័ត៌មាន ប៊ូតុង Home និង សេនស័រ Touch ID គឺត្រូវបានផ្លាស់ប្តូរទៅបំពាក់នៅក្នុងអេក្រង់តែម្តង។ ទន្ទឹមនឹងនោះ យើងក៏មិនបានឃើញ មានរន្ធដោតស្តាប់តន្រ្តី Jack 3,5mm ដូចទៅនឹងបណ្តាព័ត៌មានចចាមអារ៉ាមថ្មីៗ កន្លងមកនេះ។
បណ្តាព័ត៌មានលក្ខណៈសម្បត្តិផ្សេងទៀតដូចជា កាមេរ៉ាភ្លោះ ខ្សែអង់តែនត្រូវបានរចនាថ្មី Smart Connector នៅមានដដែល គឹមិនមានអ្វីថ្មីប្លែក បើប្រៀបនឹងបណ្តារូបភាពចចាមអារ៉ាមកាលពីមុននោះ ទេ។
ខាងលើនេះ គឺគ្រាន់តែជាព័ត៌មានព័ត៌មានចចាមអារ៉ាមថ្មីៗ ស្តីពីគំរូ iPhone ស៊េរីបន្ទាប់របស់ Apple។ វាការពិតប៉ុណ្ណានោះ មានតែរង់ចាំតាមដានបន្តទៀត៕
- អានអត្ថបទ៖ នេះគឺជារូបភាពជាក់ស្តែង iPhone 7 Plus ជាមួយនឹងកាមេរ៉ាភ្លោះ?- អានអត្ថបទ៖ Apple កំពុងរៀបចំត្រៀមផលិត iPhone អេក្រង់ OLED 5.8 inch សម្រាប់ឆ្នាំ ២០១៨?
ប្រែសម្រួល៖ មង្គលប្រភព៖ AppleInsider