ព័ត៌មានអន្តរជាតិ ៖ យ៉ាងហោចណាស់ ភ្ញៀវទេសចរ ៦ នាក់បានស្លាប់បាត់បង់ជីវិតបាត់ទៅហើយ កាលពីថ្ងៃអាទិត្យ ម្សិលមិញនេះ ក្រោយសាឡាងទេសចរណ៍មួយគ្រឿង ជួបនឹងឧបទ្ទេវហេតុក្រឡាប់លិច នៅជិតឆ្នេរសមុទ្រដ៏ល្បីរបស់ប្រទេសថៃ គឺ ឆ្នេរ ប៉ាតាយ៉ា នេះបើយោងតាមការដកស្រង់អត្ថបទផ្សាយ ពីគេហទំព័រសារព័ត៌មានបរទេស ស៊ិនហួរ ដែលទើបតែបានចេញផ្សាយ កាលពីវេលាព្រឹកមិញ ប៉ុន្មានម៉ោងមុននេះ។
លើសពីនេះ បើតាមការអោយដឹងពីទីភ្នាក់សារព័ត៌មានក្នុងស្រុក the Bangkok Post គូសបញ្ជាក់បន្ថែមអោយដឹងថា សាឡាងទេសចរណ៍ពីរជាន់ខាងលើនេះ បានធ្វើដំណើរចាកចេញពីកោះ ឡាន (Koh Lan) ឆ្ពោះទៅកាន់ឆ្នេរសមុទ្រ ប៉ាតាយ៉ា ដោយគ្រោងនឹងចំណាយពេលត្រឹមតែ ៣០ នាទី តែដឹងអីថា អំឡុងនៃការធ្វើដំណើរនោះ ស្រាប់តែបានជួបនឹងឧបទ្ទេវតុនេះតែម្តង ក៏ដោយសារតែផ្ទុកលើសចំនុះខ្លាំងពេក ពោលគឺ មានមនុស្សជិះដល់ទៅ២០០ នាក់ជាងឯណោះ ខណៈពេលដែលវាមានសមត្ថភាពផ្ទុកត្រឹមតែចន្លោះពី១៣០ ទៅ១៥០ នាក់តែប៉ុណ្ណោះ។
ជាមួយនឹងការចាកចេញឆ្ងាយពីមាត់ជ្រាំងហើយនោះ ម៉ាស៊ីនសាឡាងមួយនេះ ក៏បានចាប់ផ្តើមមានបញ្ហា ដែលជាចលកររុញជ្រានអោយមានភាពភ្ញាក់ផ្អើលមួយរំពេច នាំអោយក្រុមមនុស្សដែលជាភ្ញៀវទេសចររត់ឡើងជាន់ទីពីរ ខណៈបានធ្វើអោយសាឡាងផ្អៀងមួយចំហៀងនោះ វាក៏បានក្រឡាប់លិចតែម្តង ។ ស្ថានទូតចិន ប្រចាំប្រទេសថៃបានចេញសេចក្តីថ្លែងការណ៍ អោយដឹងថា ក្នុងចំណោមអ្នកដែលបានស្លាប់បាត់បង់ជីវិត នៅក្នុងនោះ ក៏មានភ្ញៀវទេសចរដែលជាជនជាតិចិនម្នាក់ផងដែរ៕
* ព័ត៌មានអន្តរជាតិ ដ៏គួរអោយចាប់អារម្មណ៍ផ្សេងទៀត មាននៅខាងក្រោម ៖
- យ៉ាងហោច ៧ នាក់ស្លាប់ យ៉ាងអណោចអធម ក្រោយមានករណីផ្ទុះដ៏ខ្លាំងមួយ- បងប្អូនជនពិការ រាប់រយនាក់ ផ្អើលផ្ទុះការតវ៉ា នៅពីមុខ ក្រសួងការងារ- វីដេអូ សងសឹកសម្លាប់មនុស្ស ញាក់សាច់ ថតជាប់ទាំងស្រុង តាមរយៈកាម៉េរ៉ា សុវត្ថិភាព ជនអន្តោប្រវេសន៍ ៥ នាក់ ស្លាប់ ខណៈស្រែកទឹកខ្លាំងពេក នៅវាលខ្សាច់ សាហារ៉ា- រថយន្តក្រុង ល្បងកម្លាំងជាមួយរថភ្លើង សម្លាប់មនុស្ស ១០ យ៉ាងអណោចអធម
ប្រែសម្រួល ៖ កុសលប្រភព ៖ ស៊ិនហួរ