ព័ត៌មានអន្តរជាតិ ៖ បើតាមការអោយដឹងពីទំរសារព័ត៌មានបរទេស ដេលីម៉ែល ដែលទើបតែបានចេញផ្សាយកាលពីពេលកន្លងទៅនេះ អោយដឹងថា ណាសា (Nasa) ក៏កំពុងផលិតសំលៀកបំពាក់អវកាសដែលមានសម្ថភាពខ្ពស់ជាងមុន។
លើសពីនេះទៅទៀត របាយការណ៍ដដែលបន្ថែមថា NASA បានបង្ហាញឲ្យសាធារណៈជនទូទៅ បានឃើញនូវសំលៀកបំពាក់ថ្មីមួយប្រភេទទៀត សម្រាប់អវកាសយានិករបស់ខ្លួនដែលឯកសណ្ជានថ្មីនេះ មានសណ្ឋានស្រដៀងគ្នាទៅនឹងរូបភាពសំលៀកបំពាក់ របស់តួអង្គ Buzz Lightyear នៅក្នុងខ្សែភាពយន្តគំនូរជីវចលរឿង Toy Story អឹញ្ចឹងដែរ។
សំលៀកបំពាក់អស្ចារ្យមួយនេះ គឺមានឈ្មោះថាZ-1 ដែលមានលក្ខណៈសម្បត្តិពិសេសៗជាច្រើន។ វាគឺមិនត្រឹមតែអាចជួយឲ្យអាវកាសយានិក មានភាពងាយស្រួល ក្នុងការធ្វើចលនាទៅតាមកាយវិការ របស់ខ្លួនជាងសំលៀកបំពាក់ពីមុនប៉ុណ្ណោះទេ តែថែមទាំងផ្តល់ភាពធន់ស្វិត ដែលអាចរក្សាបានសីតុណ្ហភាពល្អជាងមុនទៀតផង។
គួរបញ្ជាក់ផងដែរថា បច្ចុប្បន្ននេះ អង្កការNASA កំពុងតែធ្វើការអភិវឌ្ឍន៏សំលៀកបំពាក់អវកាសថ្មីនេះ ហើយគេរំពឹងថា វាអាចនឹងត្រូវបានរួចរាល់ឲ្យប្រើប្រាស់នៅឆ្នាំ២០១៥ខាងមុខនេះ។ ចំពោះតម្លៃនៅក្នុងការផលិតសំលៀកបំពាក់ថ្មីនេះ ក្នុងមួយសម្រាប់ឮគឹមិនទាន់ត្រូវបានគេកំណត់ជាផ្លូវការនោះទេ៕
ដោយ ៖ រិទ្ធីប្រភព ៖ ដេលីម៉ែល