ក្រោយពីគ្រោះរញ្ជួយបានកើតឡើងជាបន្តបន្ទាប់ ជប៉ុនបានជំរុញការស៊ើបអង្កេត
អំពីការសាងសងរាជធានីថ្មី ទន្ទឹមនឹង Tokyo។
មន្ត្រីរបស់ប្រទេសនេះគួសបញ្ជាក់ថា Tokyo អាចត្រូវទទួលឥទ្ធិពលគ្រោះរញ្ជួយដី
នៅពេលណាក៏មិនដឹងដែរ ដូច្នេះត្រូវចាំបាច់ស៊ើបអង្កេតវិធានការកសាងរាជធានីថ្មី
ដើម្បីបង្ការករណី Tokyo ត្រូវបំផ្លាញ។
លោក Hajime Ishii អនុប្រធានគណះបក្ខប្រជាធិបតេយ្យ ប្រធានក្រុមសម្ព័ន្ធភាព
បានឲ្យដឹងថា នេះគឺជាការងារចាំបាច់ ពិព្រោះតាមការវាយតំលៃរបស់អ្នកជំនាញ
ក្រោយពីរញ្ជួយដីនៅតំបន់ខាងឦសាន គ្រោះរញ្ជួយដីនៅបណ្តាកោះ និងតំបន់
ផ្សែងៗទៀតរបស់ជប៉ុនអាចកើតឡើងជាមិនខាន។ ទន្ទឹមនឹងនេះ ក៏មានព្យាករណ៍ថា
តំបន់នៅឈូងសមុទ្រខាងជើងជប៉ុន ឬនៅខេត្ត Shizuoka ក៏អាចកើតឡើងរញ្ជួយដី
បានដែរ។
តាមព្យាករណ៍របស់ មជ្ឈមណ្ឌលបង្ការបង្រ្កាបគ្រោះធម្មជាតិមជ្ឈិមជប៉ុន ប្រសិនបើ
តំបន់ខាងជើងឈូងសមុទ្រ Tokyo មានរញ្ជួយដីកម្លាំងប្រហែល 7,3 រិច្ឆទ័រ វាអាចធ្វើ
ឲ្យមនុស្សចំនួន 11.000នាក់ស្លាប់ និង 210.000 នាក់រងរបួស។ ព្រមទាំងមានប្រហែល
ផ្ទះ 850.000 ខ្នងដួលរលំឬកំទេចទាំងស្រុង ខូចខាតសេដ្ឋកិច្ចអាចកើនឡើដល់ 11,2
លានកោដិអៀនជប៉ុន។ ដើម្បីជៀសវាងមិនឲ្យកើតឡើងករណីដែល ប្រពន្ធប្រតិបតិ្តការ
គ្រប់គ្រង់ប្រទេសជាតិធ្លាក់ចូលក្នុងស្ថានភាពស្ពឹកស្រពន់នេះ សម្ព័ន្ធភាពគិតថាត្រូវជំរុញ
ឲ្យបានឆាប់រហ័សក្នុងការកសាងរាជធានីបន្ទាប់បន្សំមួយ ដើម្បីចែករំលែក មុខងាររបស់
រាជធានីបច្ចុប្បន្ន ដើម្បីធានាឲ្យបានថិរវន្តភាពនៃសកម្មភាពរបស់ប្រព័ន្ធរដ្ឋភិបាលនៅតែ
ធម្មតាក្នុងករណីគ្រោះរញ្ជួយដីកើតឡើងនៅ Tokyo មែន។
ប្រសិនបើត្រូវបានអនុម័តជាឯកច័្ឆន្ទ ផែនការកសាងនេះនឹងត្រូវចាប់ផ្តើមក្នុងឆ្នាំនេះ។