ស្ថាប័នរដ្ឋអាជ្ញា Belarus កាលពីម្សិលមិញបានប្រកាសរូបភាពបង្ហាញជនបំផ្ទុះ
គ្រាប់បែក សម្លាប់១២នាក់ និង២០០នាក់រងរបួស នៅស្ថានីយរថភើ្លងក្រោមដី
ទីក្រុង Minsk នៅថ្ងៃច័ន្ទកន្លងមក។
រូបថតមួយបានបង្ហាញឲ្យឃើញថាមានបរុសម្នាក់កាន់កាបូបដាក់នៅកណ្តាល
ព្រលានស្ថានីយរថភ្លើងក្រោមដី Oktyabrskaya ទីក្រុង Minsk។ ពេលនោះគឹ
ប្រហែលនៅម៉ោង ១៧និង៤៤នាទី ១២នាទីមុនការបំផ្ទុះគ្រាប់បែកកើតឡើង។
រូបភាពនេះបានប្រកាសនៅពេលដែលជនសង្ស័យ៣នាក់ទៀតត្រូវបានចាប់ខ្លួន
កើនចំនួនជនសង្ស័យឡើងដល់៥នាក់។ ក៏ប៉ុន្តែ ដល់បច្ចុប្បន្ន គេក៏មិនទាន់ដឹង
គោលគំនិតរបស់ការបំផ្ទុះគ្រាប់បែកនេះ។
អនុរដ្ឋមន្ត្រីក្រសួងយុត្តិធម៌ Belarus Andrei Shved កាលពីម្សិលមិញបានឲ្យដឹង
ថា ៥នាក់ ដែលព្រមទាំងជនសង្ស័យបំផ្ទុះគ្រាប់បែក ទាំងអស់គឺជនជាតិ Belarus
ហើយអាយុក្រោម ៣០ឆ្នាំ។ មន្ត្រីផ្សេង ក៏បានឲ្យដឹងថា ក្នុងចំណោម៥នាក់នេះ
មានស្រ្តីម្នាក់។
មុននេះ ប្រធានាតិបតី Belarus Alexander Lukashenko បាននិយាយថា ២នាក់
ក្នុងចំណោមជនត្រូវចាប់ខ្លួននោះ បាន ទទួលសារភាពការវាយប្រហារដោយ
គ្រាប់បែកនោះ។ ការបំផ្ទុះគ្រាប់បែកនោះបានធ្វើឲ្យជ្រួលជ្រើម ស្ថានីយរថភ្លើង
ក្រោមដី Oktyabrskaya ដែលមានចំងាយ ១០០ម៉ែត្រពីវិមានប្រធានាតិបតី។
ប្រធានាតិបតី Lukashenko បានឲ្យដឹងថា ប្រហែលជនបំផ្ទុះគ្រាប់បែកនេះមាន
ទាក់ទង់ទៅនឹងការបំផ្ទុះគ្រាប់បែកពីរ តាំងពីមុន គឺករណីនាឆ្នាំ២០០៨នៅ ទីក្រុង
Minsk និងករណីមួយទៀត នាឆ្នាំ ២០០៥នៅទីក្រុង Vitebsk ភាគខាងលិច។